കോഴിക്കോട്: ഭരണഘടനാ മൂല്യങ്ങളെക്കുറിച്ചും മതനിരപേക്ഷതയെക്കുറിച്ചും അധ്യാപകര് വിദ്യാര്ഥികളെ ബോധവത്കരിക്കണമെന്ന് തൊഴില് എക്സൈസ് വകുപ്പുമന്ത്രി ടി.പി.രാമകൃഷ്ണന്. പാഠ്യേതര വിഷയമാണെങ്കില് കൂടി ഇത്തരം മൂല്യങ്ങള് കുട്ടികളിലെത്തിക്കുന്നതിന് അധ്യാപകര് മുന്കയ്യെടുക്കണമെന്ന് അദ്ദേഹം പറഞ്ഞു. പേരാമ്പ്ര ഗവ.യുപിസ്കൂളില് സ്മാര്ട് ക്ലാസ്മുറിയുടെയും പുതിയ സ്കൂള് കെട്ടിടത്തിന്റെയും ഉദ്ഘാടനം നിര്വഹിച്ച് സംസാരിക്കുകയായിരുന്നു അദ്ദേഹം. സ്കൂളുകള് ഉന്നതനിലവാരത്തിലെത്തുന്നതിന് പശ്ചാത്തല സൗകര്യം ഉണ്ടായാല് മാത്രം പോര. അതു പൂര്ണമായും ഉപയോഗപ്പെടുത്താന് അധ്യാപകരും ശ്രമിക്കണം. അധ്യാപകര് കാര്യക്ഷമമായ പഠനത്തിന് വിധേയമാകണം.ഏതു വിഷയവും പഠിപ്പിക്കാന് യോഗ്യത ഉള്ളവരായി ഓരോ അധ്യാപകരും മാറണം. ഓരോ കുട്ടിയുടെയും കുടുംബ സാഹചര്യം കൂടി മനസ്സിലാക്കി അവരെ ഉയര്ത്തിക്കൊണ്ടുവരാന് അധ്യാപകര് സവിശേഷ ശ്രദ്ധ പുലര്ത്തണമെന്നും മന്ത്രി പറഞ്ഞു.
പേരാമ്പ്ര ജിയുപിയില് നാല് ക്ലാസ്റൂമുകളാണ് സ്മാര്ട്ടായത്. രണ്ടു ക്ലാസ്റൂമുകള് കൂടി ഈ വര്ഷം തന്നെ സ്മാര്ട്ടാക്കാന് എംഎല്എ എന്നനിലയില് സഹായം ചെയ്യുമെന്നും മന്ത്രി അറിയിച്ചു. പേരാമ്പ്ര ബൈപ്പാസ് യാഥാര്ഥ്യമാകുന്നതിന് തടസ്സമായി സ്വാഭാവികമായ നിയമപ്രശ്നങ്ങള് മാത്രമാണ് ഉള്ളത്. ഇതിനു ഭൂമി വിട്ടുകൊടുക്കുന്നതുമായി ബന്ധപ്പെട്ട വിവരങ്ങള് ശേഖരിച്ചു വരികയാണ്. ഇതു കിഫ്ബി അംഗീകരിച്ചാല് ഉടന് നിര്മാണപ്രവര്ത്തനങ്ങള് ആരംഭിക്കുമെന്നും അദ്ദേഹം പറഞ്ഞു.
പേരാമ്പ്ര ജിയുപിയില് നാല് ക്ലാസ്റൂമുകളാണ് സ്മാര്ട്ടായത്. രണ്ടു ക്ലാസ്റൂമുകള് കൂടി ഈ വര്ഷം തന്നെ സ്മാര്ട്ടാക്കാന് എംഎല്എ എന്നനിലയില് സഹായം ചെയ്യുമെന്നും മന്ത്രി അറിയിച്ചു. പേരാമ്പ്ര ബൈപ്പാസ് യാഥാര്ഥ്യമാകുന്നതിന് തടസ്സമായി സ്വാഭാവികമായ നിയമപ്രശ്നങ്ങള് മാത്രമാണ് ഉള്ളത്. ഇതിനു ഭൂമി വിട്ടുകൊടുക്കുന്നതുമായി ബന്ധപ്പെട്ട വിവരങ്ങള് ശേഖരിച്ചു വരികയാണ്. ഇതു കിഫ്ബി അംഗീകരിച്ചാല് ഉടന് നിര്മാണപ്രവര്ത്തനങ്ങള് ആരംഭിക്കുമെന്നും അദ്ദേഹം പറഞ്ഞു.