സമരം നടത്തുന്ന നഴ്സുമാരുമായി മന്ത്രി നാളെ കൂടിക്കാഴ്‌ച നടത്തും

തിരുവനന്തപുരം: സമരം നടത്തുന്ന നഴ്‌സുമാരുടെ സംഘടനകളായ യുണൈറ്റഡ് നഴ്‌സസ് അസോസിയേഷനുമായും ഇന്ത്യന്‍ നഴ്‌സസ് അസോസിയേഷനുമായും നാളെ സംസ്ഥാന തൊഴിൽ മന്ത്രി ടി.പി.രാമകൃഷ്ണൻ ചർച്ച നടത്തും. വൈകിട്ട് നാല് മണിക്കാണ് ചർച്ച.

സർക്കാർ നഴ്‌സുമാർക്ക് ഒപ്പമാണെന്നും അവർ സമരത്തിൽ നിന്ന് പിന്മാറണമെന്നും ആരോഗ്യമന്ത്രി കെ.കെ.ശൈലജ പറഞ്ഞു. അടുത്ത തിങ്കളാഴ്‌ച ശമ്പള പരിഷ്‌കരണം ചർച്ച ചെയ്യാൻ യോഗം ചേരുമെന്നും മന്ത്രി അറിയിച്ചു.

അടിസ്ഥാന ശമ്പളം ഇരുപതിനായിരം രൂപയാക്കണമെന്നും 50 ശതമാനം വർധനവ് വേണമെന്നും ആവശ്യപ്പെട്ടാണ് സമരം തുടരുന്നത്. എന്നാൽ ശമ്പള വർധനവ് നടപ്പിലാക്കാൻ പറ്റില്ലെന്ന നിലപാടിലാണ് സ്വകാര്യ ആശുപത്രി മാനേജ്‍മെന്‍റുകള്‍.

Minister will meet nurses tomorrow