വിദ്യാഭ്യാസ രംഗത്തെ ജനകീയ വൽകരിക്കും: മന്ത്രി സി. രവീന്ദ്രനാഥ്

നമ്മുടെ വിദ്യാഭ്യാസ മേഖല ഇന്ന് ഗുരുതരമായ പ്രതിസന്ധി നേരിട്ടുകൊണ്ടിരിക്കുകയാണ്. ഇതിനെ തരണം ചെയ്‍ത് തനതായ വിദ്യാഭ്യാസ നയം ഉണ്ടാക്കേണ്ടത് കാലഘട്ടത്തിന്‍റെ ആവശ്യമായി മാറിയിരിക്കുന്നു. ആടച്ചു പൂട്ടൽ ഭീഷിണി നേരിടുന്ന കേരളത്തിലെ നിരവധിയായ സ്‍കൂളുകൾ ഇതു വരെയുള്ള നമ്മുടെ വിദ്യഭ്യാസ നയങ്ങൾ എത്രത്തോളം ഫലവത്തായിരുന്നുവെന്ന് ചിന്തിപ്പിക്കുന്നതാണ്. ഇൗ പ്രതിസന്ധി ഘട്ടത്തിൽ അടച്ചുപൂട്ടാൻ ഒരുങ്ങിയ സ്‍കൂളുകളെ ഏറ്റെടുക്കുക എന്ന ധീരമായ നയത്തോടെ വിദ്യാഭ്യാസ മേഖലക്ക് പുതിയ പ്രതീക്ഷകൾ നൽകുകയാണ് വിദ്യാഭ്യാസ മന്ത്രി സി. രവീന്ദ്രനാഥ്.

വിദ്യാഭ്യാസ രംഗത്ത് സമൂഹിക ഇടപെടലുകൾ നടത്തി അതിനെ ജനകീയ വൽകരിക്കുക എന്നതാണ് തന്‍റെ ലക്ഷ്യമെന്ന് മന്ത്രി സി. രവീന്ദ്രനാഥ് പറഞ്ഞു. ടൈംസ് ഓഫ് ഇന്ത്യയും കൈരളി ചാനലും ചേർന്ന് സംഘടിപ്പിച്ച 'മിനിസ്റ്റർ ഓൺ എ മിഷൻ' പ്രോഗ്രാമിൽ സംവദിക്കുകയായിരുന്നു ആദ്ദേഹം. ഇൗ മേഖലയിൽ സമ്പൂര്‍ണ്ണമായ ഒരു പൊളിച്ചെഴുത്ത് അനിവാര്യമാണെന്നും മന്ത്രി പറഞ്ഞു.

'അൺ എക്കണോമിക്' എന്നപദമാണ് ആദ്യം മാറ്റേണ്ടത്. സ്കൂളുകൾ കാശുണ്ടാക്കാനുള്ള ഒരു മാര്‍ഗമല്ല. ഒാരോ സ്‍കൂളുകളെയും ജനകീയ സ്കൂളുകളാക്കണം. ജനങ്ങൾ അവ ഏറ്റെടുക്കണം വിദ്യാഭ്യാസ മന്ത്രി ആവര്‍ത്തിച്ച് വ്യക്തമാക്കി.



ഉന്നത വിദ്യാഭ്യാസരംഗത്ത് ആധുനിക വൽകരണം കൊണ്ടു വരണം. മികച്ച ട്രെയിനിങ് ലഭിച്ച അധ്യാപകര്‍ പുറത്തുവരണം. കാലത്തിനനുശ്രിതമായി നൂതന സാങ്കേതിക വിദ്യകളും മികച്ച പരിശീലനവും ഇൗ മേഖലയെ മെച്ചപ്പെടുത്തുവാനുള്ള നയങ്ങളാണന്ന് മന്ത്രി വ്യക്തമാക്കി. സമൂഹം ഇടപെടുന്ന, വിദ്യാര്‍ത്ഥി കേന്ദ്രീക്രതമായ, മികച്ച നിലവാരമുള്ള വിദ്യാഭ്യാസ രദഗത്തെ മാറ്റങ്ങൾ തീര്‍ച്ചയായും ഇൗ സര്‍ക്കാരിന്‍റെ കാലത്തുണ്ടാകുമെന്നും അദ്ദേഹം ഉറപ്പു നൽകി.