കൊല്ലം: തെന്മല റോസ്മലയിൽ കാട്ടുപോത്തിനെ പേടിച്ച് ഓടി വനത്തിൽ ഒറ്റപ്പെട്ട യുവാവിനെ കണ്ടെത്തി. കോട്ടയം പുതുപ്പള്ളി സ്വദേശി സുമേഷിനെയാണ് തെരച്ചിലിനൊടുവിൽ കണ്ടെത്തിയത്. മൃഗങ്ങളെ ഭയന്ന് രാത്രി മുഴുവൻ മരത്തിനു മുകളിലായിരുന്നുവെന്ന് സുമേഷ് പറഞ്ഞു.
Also Read: ശ്രദ്ധിക്കുക! സംസ്ഥാനത്ത് ഇന്നും നാളെയും ചൂട് കൂടുമെന്ന് റിപ്പോർട്ട്
ഇന്നലെ വൈകീട്ട് നാലു മണിയോടെ സുമേഷും ബന്ധു അജേഷും റോസ്മലയിൽ പോയി തിരികെ വരുന്നതിനിടെയാണ് സംഭവം. വിളക്കുമരം എന്ന സ്ഥലത്തുവെച്ച് കാട്ടുപോത്തിനെ കണ്ടതിനെ തുടര്ന്ന് സുമേഷ് ഉൾവനത്തിലേക്ക് ഓടുകയായിരുന്നു. സുമേഷിനെ കാണാതായതോടെ അജേഷ് വനം വകുപ്പ് ഉദ്യോഗസ്ഥരെ വിവരം അറിയിക്കുകയായിരുന്നു. വനം വകുപ്പ് ഉദ്യോഗസ്ഥരും നാട്ടുകാരും നടത്തിയ തെരച്ചിലിനൊടുവിലാണ് ഇന്ന് രാവിലെ സുമേഷിനെ കണ്ടെത്തിയത്. വനം വകുപ്പ് ഓഫീസിൽ എത്തിച്ച് വൈദ്യപരിശോധനയ്ക്കുശേഷം ഇയാളെ ബന്ധുക്കൾക്കൊപ്പം വിട്ടയച്ചു.
Also Read: എയര് ഇന്ത്യയുടെ ജംബോ ബോയിങ് വിമാനം വീണ്ടും! കരിപ്പൂരിൽ നിന്ന് സർവീസ്
Also Read: കഴുത്തിൽ കത്തിവെച്ച് സ്കൂട്ടര് തട്ടിയെടുത്ത് കടന്നു; പിന്നാലെ ചെന്ന് പിടികൂടി നാട്ടുകാര്, സംഭവം ആലപ്പുഴയിൽ!