കൊച്ചി: കരിമണല് ഖനനവിരുദ്ധ സമരം നയിക്കുന്ന സേവ് ആലപ്പാട് പ്രവര്ത്തകരുമായി ഇന്ന് കരുനാഗപ്പള്ളി എംഎല്എ ആര്. രാമചന്ദ്രന് ചര്ച്ച നടത്തും. രാത്രി ഏഴ് മണിക്ക് ആണ് ചര്ച്ച. സേവ് ആലപ്പാട് പ്രവര്ത്തകരെ എംഎല്എ ചര്ച്ചയ്ക്ക് ക്ഷണിച്ചു. ഖനനം പൂര്ണമായും നിര്ത്തണമെന്ന ആവശ്യത്തില് സമരക്കാര് ഉറച്ചുനില്ക്കും. കഴിഞ്ഞദിവസം വ്യവസായ വകുപ്പ് മന്ത്രി ഇപി ജയരാജാന് സമരക്കാരുമായി ചര്ച്ച നടത്തിയിരുന്നു. ഖനനം പൂര്ണമായും നിര്ത്താനാകില്ലെന്ന് പറഞ്ഞ മന്ത്രി, സീവാഷിങ് നിര്ത്തി വെക്കാന് സമ്മതിച്ചിരുന്നു. ശാസ്ത്രീയമായ ഖനനം തുടരണമെന്നും വിദഗ്ധ പഠനം നടത്തണമെന്നുമാണ് സര്ക്കാര് ഇപ്പോഴും ആവശ്യപ്പെടുന്നത്.
പൂര്ണ്ണമായും ഖനനം നിര്ത്തണം എന്നതല്ലാതെ മറ്റുപോംവഴികള് ഇക്കാര്യത്തില് ഇല്ലെന്ന നിലപാട് സേവ് ആലപ്പാട് ആവര്ത്തിക്കും. കഴിഞ്ഞദിവസം മന്ത്രിയുമായി നടത്തിയ ചര്ച്ചയില് എംഎല്എ പങ്കെടുത്തിരുന്നു. പക്ഷേ, ഖനനത്തിന് അനുകൂലമായോ എതിര്ത്തോ ഒരുവാദവും എംഎല്എ നടത്തിയില്ലെന്ന് ഒരു സേവ് ആലപ്പാട് പ്രവര്ത്തകന് സമയം മലയാളത്തോട് പറഞ്ഞു. കഴിഞ്ഞ കൂടിക്കാഴ്ച്ചയില് പഞ്ചായത്ത് പ്രസിഡന്റ് പി.സെലീനയും പങ്കെടുത്തിരുന്നില്ല.
മുഖ്യമന്ത്രി പിണറായി വിജയന് നേരിട്ട് ഇടപെട്ടാണ് കരുനാഗപ്പള്ളി എംഎല്എയെ രംഗത്ത് ഇറക്കുന്നതെന്നാണ് അറിയുന്നത്. വ്യവസായ വകുപ്പ് മന്ത്രി ഇടപെട്ടതും സമരത്തിന് പിന്നില് പ്രവര്ത്തിക്കുന്നവരെക്കുറിച്ചുള്ള മന്ത്രിയുടെ പ്രസ്താവനയും പ്രതിഷേധങ്ങള്ക്ക് കാരണമായതും കൂടുതലും എംഎല്എയെ കേന്ദ്രീകരിച്ചുള്ള ചര്ച്ചകള് മതിയെന്ന നിലയിലേക്ക് സര്ക്കാര് എത്തിയതിനും കാരണമായി.
പൂര്ണ്ണമായും ഖനനം നിര്ത്തണം എന്നതല്ലാതെ മറ്റുപോംവഴികള് ഇക്കാര്യത്തില് ഇല്ലെന്ന നിലപാട് സേവ് ആലപ്പാട് ആവര്ത്തിക്കും. കഴിഞ്ഞദിവസം മന്ത്രിയുമായി നടത്തിയ ചര്ച്ചയില് എംഎല്എ പങ്കെടുത്തിരുന്നു. പക്ഷേ, ഖനനത്തിന് അനുകൂലമായോ എതിര്ത്തോ ഒരുവാദവും എംഎല്എ നടത്തിയില്ലെന്ന് ഒരു സേവ് ആലപ്പാട് പ്രവര്ത്തകന് സമയം മലയാളത്തോട് പറഞ്ഞു. കഴിഞ്ഞ കൂടിക്കാഴ്ച്ചയില് പഞ്ചായത്ത് പ്രസിഡന്റ് പി.സെലീനയും പങ്കെടുത്തിരുന്നില്ല.
മുഖ്യമന്ത്രി പിണറായി വിജയന് നേരിട്ട് ഇടപെട്ടാണ് കരുനാഗപ്പള്ളി എംഎല്എയെ രംഗത്ത് ഇറക്കുന്നതെന്നാണ് അറിയുന്നത്. വ്യവസായ വകുപ്പ് മന്ത്രി ഇടപെട്ടതും സമരത്തിന് പിന്നില് പ്രവര്ത്തിക്കുന്നവരെക്കുറിച്ചുള്ള മന്ത്രിയുടെ പ്രസ്താവനയും പ്രതിഷേധങ്ങള്ക്ക് കാരണമായതും കൂടുതലും എംഎല്എയെ കേന്ദ്രീകരിച്ചുള്ള ചര്ച്ചകള് മതിയെന്ന നിലയിലേക്ക് സര്ക്കാര് എത്തിയതിനും കാരണമായി.