പീഡനകേസ്: MLA എം വിൻസന്‍റിനെ അറസ്റ്റ് ചെയ്തു

തിരുവനന്തപുരം: വീട്ടമ്മയെ പീഡിപ്പിച്ചെന്ന കേസില്‍ കോവളം എംഎല്‍എ എം വിൻസന്‍റിനെ പോലീസ് അറസ്റ്റ് ചെയ്തു. ഇദ്ദേഹത്തെ വിശദമായ ചോദ്യം ചെയ്യലിനായി പൊലീസ് കസ്റ്റഡിയിലെടുത്തിരുന്നു. വീട്ടമ്മയുടെ പരാതിയില്‍ പ്രാഥമിക അന്വേഷണം നടത്തി വ്യക്തമായ തെളിവുകള്‍ ലഭിച്ചതിനു ശേഷമാണ് അറസ്റ്റ് എന്ന് പോലീസ് അറിയിച്ചു.

വീട്ടമ്മയുടെ പരാതിയില്‍ കൂടുതല്‍ തെളിവുകള്‍ ലഭിച്ചതിനെ തുടർന്ന് എം വിന്‍സെന്റിനെ എം എല്‍ എ ഹോസ്റ്റലില്‍ മൂന്നു മണിക്കൂറോളമാണ് ചോദ്യം ചെയ്തത്. മാസങ്ങളായി ഇവര്‍ ഫോണില്‍ സംസാരിച്ചതിന്റെ തെളിവുകള്‍ പൊലീസിന് ലഭിച്ചിട്ടുണ്ട്.

ഒന്നരവര്‍ഷത്തോളം എംഎല്‍എ ശാരീരികമായും മാനസികമായും പീഡിപ്പിച്ചു എന്നാണ് വീട്ടമ്മയുടെ പരാതി.അമിതതോതില്‍ മരുന്ന് കഴിച്ച് ആത്മഹത്യക്ക് ശ്രമിച്ച വീട്ടമ്മ ഇപ്പോള്‍ നെയ്യാറ്റിൻകര ആശുപത്രിയിലാണ്.

Kovalam MLA Vincent got arrested:

Kovalam MLA M. Vincent got arrested over the complaint of a woman. The housewife has copmlained that Vincent had been indulging in sex talk over phone and forcing a her to attempt suicide.