ഇവിടെ പാലുകാച്ചല്‍, അവിടെ കല്ല്യാണം; കിടിലന്‍ ട്രോളുമായി മന്ത്രി മണി

തിരുവനന്തപുരം: പട്ടേല്‍ പ്രതിമ അനാച്ഛാദനവുമായി ബന്ധപ്പെട്ട് കേന്ദ്രസര്‍ക്കാരിനെ ട്രോളി വൈദ്യുത വകുപ്പ് മന്ത്രി എംഎം മണി. സംസ്ഥാന സര്‍ക്കാര്‍ മത്സ്യത്തൊഴിലാളികള്‍ക്കായി നിര്‍മ്മിച്ച ഭവനങ്ങളുടെ താക്കോല്‍ ദാനവും ലോകത്തെ ഏറ്റവും വലിയ പ്രതിമയായ പട്ടേല്‍ പ്രതിമയുടെ ഉദ്ഘാടനവും തമ്മില്‍ താരതമ്യം ചെയ്താണ് മണിയുടെ ട്രോള്‍.

ഇപ്പോഴും പട്ടിണി മാറിയിട്ടില്ലാത്ത ഗുജറാത്തില്‍ 3000 കോടി രൂപ മുടക്കി പ്രതിമ നിര്‍മ്മിക്കുന്നതിനെയാണ് മന്ത്രി അതിരൂക്ഷമായി വിമര്‍ശിക്കുന്നത്. ഇവിടെ പാലുകാച്ചല്‍, അവിടെ കല്ല്യാണം എന്ന തലക്കെട്ടോടുകൂടിയാണ് ട്രോള്‍ അദ്ദേഹം ഫേസ്ബുക്കില്‍ പോസ്റ്റ് ചെയ്തിരിക്കുന്നത്.