വേങ്ങര: കുറ്റൂര് നോര്ത്ത് കെഎംഎച്ച്എസ്എസ് സ്കൂളിനെ ഭീതിയിലാഴ്ത്തി തീപിടിത്തം. ഫയര് എന്ജിനുകളില് നിന്ന് വെള്ളം പമ്പ് ചെയ്ത് തീ കെടുത്തി. ഇന്നലെ ഉച്ചയ്ക്ക് 2.30നാണ് തീപിടുത്തമുണ്ടായത്. അതിനിടയില് വിദ്യാര്ഥികള് ക്ലാസില് അകപ്പെട്ടത് വിദ്യാര്ഥികളെയും അധ്യാപകരെയും പരിഭ്രാന്തരാക്കി. സംഭവമറിഞ്ഞ് നാട്ടുകാര് ഓടികൂടി. ഉടന് സ്ഥലത്തെത്തിയ ഫയര്ഫോഴ്സ് വിദ്യാര്ഥികളെ സുരക്ഷിതമായ ഇടത്തേക്ക് മാറ്റുകയും തീ അണക്കുകയും ചെയ്തു. പതിനഞ്ചു മിനിറ്റിനകം തീകെടുത്തി ഫയര്ഫോഴ്സ് ഉദ്യോഗസ്ഥര് തിരികെ എത്തി. തൊട്ടുപിറകെ മറ്റൊരറിയിപ്പ് വന്നതോടെയാണ് ഇത് മോക്ഡ്രില്ലായിരുന്നുവെന്ന് വ്യക്തമായത്. തീപിടിത്തം ഉണ്ടായാല് എങ്ങിനെ നേരിടാം എന്നതു സംബന്ധിച്ച ബോധവല്ക്കരണമായിരുന്നു അരങ്ങേറിയത്. ഫയര്ഫോഴ്സിന്റെ അറിയിപ്പ് ലഭിച്ചതോടെ പരിഭ്രാന്തി കൗതുകമായി മാറി.
പ്രളയബാധിത പ്രദേശങ്ങളിലെ കുട്ടികള്ക്ക് ദുരന്തനിവാരണത്തില് പരിശീലനം നല്കുകയെന്ന ലക്ഷ്യത്തോടെ ജില്ലാ ചൈല്ഡ് ലൈനും ഫയര് ആന്ഡ് റെസ്ക്യൂ മലപ്പുറം യൂനിറ്റും സംയുക്തമായാണ് പരിപാടി നടത്തിയത്. പെട്ടെന്ന് അപകടമുണ്ടായാല് എങ്ങനെ രക്ഷപ്പെടാമെന്നും സ്വീകരിക്കേണ്ട മുന്കരുതല് സംബന്ധിച്ചും വിദ്യാര്ഥികള്ക്ക് അറിവ് നല്കുന്നത് കൂടിയായിരുന്നു മോക്ഡ്രില്. അപകടത്തില്പ്പെടുന്നയാളെ രക്ഷിക്കുന്നതും തീ അണയ്ക്കുന്നതും എങ്ങനെയെന്നും ഫയര്ഫോഴ്സ് ഉദ്യോഗസ്ഥര് വിശദീകരിച്ചു. ഫയര്ഫോഴ്സിന്റെ രക്ഷാപ്രവര്ത്തന രീതി, ഉപകരണങ്ങള് എന്നിവയെകുറിച്ചും വിദ്യാര്ഥികള്ക്ക് അവബോധം നല്കി.
പ്രളയബാധിത പ്രദേശങ്ങളിലെ കുട്ടികള്ക്ക് ദുരന്തനിവാരണത്തില് പരിശീലനം നല്കുകയെന്ന ലക്ഷ്യത്തോടെ ജില്ലാ ചൈല്ഡ് ലൈനും ഫയര് ആന്ഡ് റെസ്ക്യൂ മലപ്പുറം യൂനിറ്റും സംയുക്തമായാണ് പരിപാടി നടത്തിയത്. പെട്ടെന്ന് അപകടമുണ്ടായാല് എങ്ങനെ രക്ഷപ്പെടാമെന്നും സ്വീകരിക്കേണ്ട മുന്കരുതല് സംബന്ധിച്ചും വിദ്യാര്ഥികള്ക്ക് അറിവ് നല്കുന്നത് കൂടിയായിരുന്നു മോക്ഡ്രില്. അപകടത്തില്പ്പെടുന്നയാളെ രക്ഷിക്കുന്നതും തീ അണയ്ക്കുന്നതും എങ്ങനെയെന്നും ഫയര്ഫോഴ്സ് ഉദ്യോഗസ്ഥര് വിശദീകരിച്ചു. ഫയര്ഫോഴ്സിന്റെ രക്ഷാപ്രവര്ത്തന രീതി, ഉപകരണങ്ങള് എന്നിവയെകുറിച്ചും വിദ്യാര്ഥികള്ക്ക് അവബോധം നല്കി.