നരേന്ദ്ര മോദി ആര്‍എസ്എസിന്റെ 'ചൗക്കീദാറെ'ന്ന് ചെന്നിത്തല

തിരുവനന്തപുരം: പ്രധാനമന്ത്രി നരേന്ദ്രമോദി ആര്‍എസ്എസിന്റെ 'ചൗക്കീദാര്‍' മാത്രമായി മാറിയിരിക്കുകയാണെന്നും എന്ത് ഭക്ഷിക്കണം, എന്ത് ചിന്തിക്കണമെന്നൊക്കെ ഭരണകൂടം തിരുമാനിക്കുന്ന സ്ഥിതിയിലേക്ക് കാര്യങ്ങള്‍ എത്തിച്ചേര്‍ന്നത് മോദിയുടെ കാലത്താണെന്നും പ്രതിപക്ഷ നേതാവ് രമേശ് ചെന്നിത്തല.

ഗോവധ നിരോധനത്തിന്റെ പേര് പറഞ്ഞ് രാജ്യത്തെ സംഘര്‍ഷഭൂമിയാക്കി മാറ്റി. അതിന്റെ പേരില്‍ ദളിതരും ന്യൂനപക്ഷങ്ങളും വേട്ടയാടപ്പെടുകയും കൊല്ലപ്പെടുകയും ചെയ്തുവെന്നും ചെന്നിത്തല പറഞ്ഞു.നോട്ടുനിരോധനത്തിന്റെ പേരില്‍ രാജ്യത്തെ ജനങ്ങളെ മുഴുവന്‍ തെരുവിലേക്കിറക്കിയതും മോദിയുടെ വികലമായ നയത്തിന്റെ പ്രതിഫലനമായിരുന്നു.

മൂന്ന് വര്‍ഷത്തെ ഭരണം കൊണ്ട് നരേന്ദ്ര മോദി സര്‍ക്കാര്‍ രാജ്യത്തിനുണ്ടാക്കിയ മുറിവ് വളരെ വലുതാണ്. വര്‍ഗീയ ധ്രൂവികരണത്തിലൂടെ അധികാരത്തിലേറിയ മോദി രാജ്യത്തിന്റെ മതേതര ചട്ടക്കൂടിനെയും ബഹുസ്വര സംസ്‌കാരത്തെയും പാടെ തൂത്തെറിയാനുള്ള ശ്രമങ്ങളാണ് നടത്തിവരുന്നത്. അടുത്ത ലോക്‌സഭാ തിരഞ്ഞെടുപ്പില്‍ മോദിയ്ക്ക് കടുത്ത തിരിച്ചടി നല്‍കാന്‍ ജനങ്ങള്‍ കാത്തിരിക്കുകയാണെന്നും രമേശ് ചെന്നിത്തല പ്രസ്താവനയില്‍ പറഞ്ഞു..

Modi has become RSS 'chowkidaar’: Chennithala

Opposition leader Ramesh Chennithala said that the wounds inflicted by the Narendra Modi Government on the nation during the past three years are very