തിരുവനന്തപുരം: വ്യാജ ഇ മെയിൽ ഐഡി ഉപയോഗിച്ച് തൻ്റെ പേരിൽ പണം തട്ടിപ്പ് നടക്കുന്നുവെന്ന് ചൂണ്ടിക്കാട്ടി കെപിസിസി പ്രസിഡൻ്റ് മുല്ലപ്പള്ളി രാമചന്ദ്രൻ പരാതി നൽകി. മുഖ്യമന്ത്രി പിണറായി വിജയനും സംസ്ഥാന പോലീസ് മേധാവി ലോക്നാഥ് ബെഹ്റയ്ക്കുമാണ് അദ്ദേഹം പരാതി കൈമാറിയത്.
വ്യാജ ഇ മെയിൽ ഐഡി ഉണ്ടാക്കി തൻ്റെ പേരിൽ ധനസഹായം അഭ്യർഥിച്ചാണ് വ്യാപകമായ രീതിയിൽ തട്ടിപ്പ് നടക്കുന്നതെന്ന് പോലീസിന് നൽകിയ പരാതിയിൽ മുല്ലപ്പള്ളി വ്യക്തമാക്കുന്നു. കഴിഞ്ഞ ദിവസങ്ങളിലാണ് തട്ടിപ്പ് രൂക്ഷമായി നടന്നത്. തട്ടിപ്പ് വിവരം സഹപ്രവർത്തകർ അറിയിച്ചതോടെയാണ് ശ്രദ്ധയിൽപ്പെട്ടതെന്ന് അദ്ദേഹം പറഞ്ഞു.
തൻ്റെ പേരിൽ തട്ടിപ്പ് നടത്തിയവരെ വേഗത്തിൽ പിടികൂടി നിയമത്തിന് മുന്നിൽ കൊണ്ടുവരണം. ഇത്തരത്തിലുള്ള തട്ടിപ്പ് സംഘത്തിൻ്റെ വലയിൽ വീഴാതിരിക്കാൻ എല്ലാവരും ജാാഗ്രത പുലർത്തണമെന്നും കെപിസിസി പ്രസിഡൻ്റ് മുല്ലപ്പള്ളി രാമചന്ദ്രൻ കൂട്ടിച്ചേർത്തു. ഫേസ്ബുക്ക് പോസ്റ്റിലൂടെയാണ് പോലീസിൽ പരാതി നൽകിയ വിവരം അദ്ദേഹം വ്യക്തമാക്കിയത്.
മുല്ലപ്പള്ളിയുടെ പരാതിയിൽ പോലീസ് നടപടി ആരംഭിച്ചതായാണ് വിവരം. തട്ടിപ്പ് സംഘവുമായി ബന്ധപ്പെട്ട വിവരങ്ങൾ പോലീസിന് ഇതുവരെ ലഭ്യമായിട്ടില്ലെന്നാണ് റിപ്പോർട്ട്. സമൂഹമാധ്യമങ്ങളിൽ വ്യാജ ഐഡി ഉണ്ടാക്കി പണം തട്ടുന്ന സംഭവം സംസ്ഥാനത്ത് റിപ്പോർട്ട് ചെയ്തിരുന്നു.
വ്യാജ ഇ മെയിൽ ഐഡി ഉണ്ടാക്കി തൻ്റെ പേരിൽ ധനസഹായം അഭ്യർഥിച്ചാണ് വ്യാപകമായ രീതിയിൽ തട്ടിപ്പ് നടക്കുന്നതെന്ന് പോലീസിന് നൽകിയ പരാതിയിൽ മുല്ലപ്പള്ളി വ്യക്തമാക്കുന്നു. കഴിഞ്ഞ ദിവസങ്ങളിലാണ് തട്ടിപ്പ് രൂക്ഷമായി നടന്നത്. തട്ടിപ്പ് വിവരം സഹപ്രവർത്തകർ അറിയിച്ചതോടെയാണ് ശ്രദ്ധയിൽപ്പെട്ടതെന്ന് അദ്ദേഹം പറഞ്ഞു.
തൻ്റെ പേരിൽ തട്ടിപ്പ് നടത്തിയവരെ വേഗത്തിൽ പിടികൂടി നിയമത്തിന് മുന്നിൽ കൊണ്ടുവരണം. ഇത്തരത്തിലുള്ള തട്ടിപ്പ് സംഘത്തിൻ്റെ വലയിൽ വീഴാതിരിക്കാൻ എല്ലാവരും ജാാഗ്രത പുലർത്തണമെന്നും കെപിസിസി പ്രസിഡൻ്റ് മുല്ലപ്പള്ളി രാമചന്ദ്രൻ കൂട്ടിച്ചേർത്തു. ഫേസ്ബുക്ക് പോസ്റ്റിലൂടെയാണ് പോലീസിൽ പരാതി നൽകിയ വിവരം അദ്ദേഹം വ്യക്തമാക്കിയത്.
മുല്ലപ്പള്ളിയുടെ പരാതിയിൽ പോലീസ് നടപടി ആരംഭിച്ചതായാണ് വിവരം. തട്ടിപ്പ് സംഘവുമായി ബന്ധപ്പെട്ട വിവരങ്ങൾ പോലീസിന് ഇതുവരെ ലഭ്യമായിട്ടില്ലെന്നാണ് റിപ്പോർട്ട്. സമൂഹമാധ്യമങ്ങളിൽ വ്യാജ ഐഡി ഉണ്ടാക്കി പണം തട്ടുന്ന സംഭവം സംസ്ഥാനത്ത് റിപ്പോർട്ട് ചെയ്തിരുന്നു.