കാലവര്‍ഷം തുടങ്ങി; ശക്തമായ മഴയ്ക്ക് സാധ്യത

തിരുവനന്തപുരം: സംസ്ഥാനത്തു കാലവര്‍ഷം ഇന്നു തുടങ്ങുമെന്നു കാലാവസ്ഥാ നിരീക്ഷണ കേന്ദ്രം. നേരത്തെ ജൂണ്‍ 7 ന് കേരളത്തില്‍ കാലവലര്‍ഷമെത്തുമെന്ന് കാലാവസ്ഥ നിരീക്ഷണ കേന്ദ്രം പ്രവചിച്ചിരുന്നു. 10 വരെ ശക്തമായ മഴയ്ക്കു സാധ്യതയുണ്ടെന്നു ദുരന്തനിവാരണവിഭാഗം കലക്ടര്‍മാര്‍ക്കു മുന്നറിയിപ്പു നല്‍കി.

ശക്തമായ കാറ്റിനു സാധ്യതയുള്ളതിനാല്‍ മല്‍സ്യത്തൊഴിലാളികള്‍ ജാഗ്രത പാലിക്കണം. അടുത്ത 48 മണിക്കൂറിനകം കേരളത്തില്‍ കാലവര്‍ഷം ശക്തിപ്രാപിക്കും.വേനല്‍മഴയ്ക്കു തുടര്‍ച്ചയായാണ് ഇത്തവണ കാലവര്‍ഷം തുടങ്ങുന്നത്. കേരളം, കര്‍ണാടക, ലക്ഷദ്വീപ് പ്രദേശങ്ങളുടെ തീരങ്ങളില്‍ അതിശക്തമായ മഴയ്ക്ക് സാധ്യതയുണ്ടെന്നുമാണ് വിദഗ്ധരുടെ പ്രവചനം.