ഇനി മഴയുടെ ദിവസങ്ങൾ; സംസ്ഥാനത്ത് കാലവർഷം എത്തുന്നു, മുന്നറിയിപ്പ്

തിരുവനന്തപുരം: കേരളത്തിൽ മൺസൂൺ ഇത്തവണ നേരത്തെ എത്തുമെന്ന് റിപ്പോർട്ട്. തെക്കുപടിഞ്ഞാറൻ മൺസൂൺ (കാലവർഷം) ഞായറാഴ്ച തെക്കുകിഴക്കൻ ബംഗാൾ ഉൾക്കടലിലും ആൻഡമാൻ കടലിലും എത്തുമെന്ന് കാലാവസ്ഥാവകുപ്പ് അറിയിച്ചു. ഇതിൻ്റെ ഭാഗമായി കേരളത്തിൽ കാലവർഷം എത്തുമെന്നാണ് പ്രവചനം.

'മുസ്ലീം സമൂഹം ആത്‌മപരിശോധന നടത്തണം, സമസ്തയുടെ ഭാഗത്ത് നിന്നുമുണ്ടായത് ആത്‌മാഭിമാനം തകർക്കുന്ന നടപടി'; കെസിബിസി മുന്‍ വക്താവ്
തെക്കുപടിഞ്ഞാറൻ മൺസൂൺ നേരത്തെ എത്തുമെന്ന തരത്തിലുള്ള പ്രവചനങ്ങളാണ് ഇപ്പോൾ പുറത്തുവരുന്നത്. മെയ് പതിനഞ്ചോട് കൂടിയായിരിക്കും കാലവർഷം രൂപം കൊള്ളുക. കാലവർഷത്തിന് സൂചനകൾ പുറത്തുവന്ന പശ്ചാത്തലത്തിൽ കേരളത്തിൽ അടുത്ത അഞ്ച് ദിവസം വ്യാപക മഴയ്ക്കും ഇടിമിന്നലോട് കൂടിയ മഴയും പ്രവചിക്കപ്പെട്ടിട്ടുണ്ട്.

അടുത്ത അഞ്ച് ദിവസം ഇടിയോട് കൂടിയ മഴ തുടരുമെന്നതിനാൽ വിവിധ ജില്ലകളിൽ യെല്ലോ അലേർട്ട് പ്രഖ്യാപിച്ചു. ശക്തമായ കാറ്റിനും സാധ്യതയുണ്ട്. തെക്ക് കിഴക്കൻ ബംഗാൾ ഉൾകടലിലും തെക്കൻ ആൻഡമാൻ കടലിലും മെയ്‌ 15 ഓടെ കാലവർഷം എത്തിച്ചേരാൻ സാധ്യതയുണ്ടെന്നും അധികൃതർ വ്യക്തമാക്കി.

യെല്ലോ അലേർട്ട് ഈ ജില്ലകളിൽ

12/ 05/2022: ഇടുക്കി, കാസർഗോഡ്
13/05/2022: എറണാകുളം, ഇടുക്കി
14/05/2022: ഇടുക്കി
15/05/2022: എറണാകുളം, ഇടുക്കി, തൃശൂർ
16/05/2022: ഇടുക്കി, മലപ്പുറം

തക്കാളിപ്പനി മുന്നറിയിപ്പ്; അപൂർവമായി മസ്തിഷ്‌ക ജ്വരത്തിന് കാരണമാകാം: വീണ ജോർജ്ജ്
ഈ ജില്ലകളിൽ ഒറ്റപ്പെട്ട ശക്തമായ മഴയ്ക്കുള്ള സാധ്യതയാണ് പ്രവചിക്കപ്പെട്ടിരിക്കുന്നത്. 24 മണിക്കൂറിൽ 64.5 മില്ലിമീറ്റർ മുതൽ 115.5 മില്ലിമീറ്റർ വരെ മഴ ലഭിക്കുന്ന സാഹചര്യത്തെയാണ് ശക്തമായ മഴ എന്നതുകൊണ്ട് ഉദ്ദേശിക്കുന്നത്. സംസ്ഥാനത്ത് അടുത്ത 3 മണിക്കൂറിൽ തിരുവനന്തപുരം, കൊല്ലം, ആലപ്പുഴ, കോട്ടയം, ഇടുക്കി, എറണാകുളം, മലപ്പുറം, കോഴിക്കോട്, കണ്ണൂർ, കാസർഗോഡ് എന്നീ ജില്ലകളിൽ ഒറ്റപ്പെട്ടയിടങ്ങളിൽ ഇടിയോടുകൂടിയ മഴയ്ക്കും മണിക്കൂറിൽ 40 കീ.മി വരെ വേഗതയിൽ വീശിയടിച്ചേക്കാവുന്ന കാറ്റിനും മറ്റു ജില്ലകളിലെ ഒറ്റപ്പെട്ടയിടങ്ങളിൽ മഴയ്ക്കും സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചിരുന്നു.