കേരളത്തില്‍ കാലവര്‍ഷമെത്തുന്നു; മഴ ശക്തമാകും

തിരുവനന്തപുരം: കേരളത്തില്‍ അടുത്തയാഴ്ച്ചയോടെ മഴ ശക്തമാവുമെന്ന് കാലാവസ്ഥാ നിരീക്ഷണ കേന്ദ്രം. കഴിഞ്ഞ വര്‍ഷം ജൂണ്‍ അഞ്ചിനാണ് കാലവര്‍ഷം ആരംഭിച്ചത്. ജൂണ്‍ ഏഴിന് കേരളത്തില്‍ കാലവര്‍ഷം ആരംഭിക്കുമെന്നായിരുന്നു നേരത്തേയുളള പ്രവചനം.

ജൂണ്‍ ഏഴിനല്ലെങ്കില്‍ പതിനൊന്നോടെ കാലവര്‍ഷം ആരംഭിക്കാനാണ് സാധ്യത. 2012ല്‍ ജൂണ്‍ 5നും, 2013 ല്‍ 1നും, 2014ല്‍ ജൂണ്‍ 6 നും കേരളത്തില്‍ കാലവര്‍ഷമെത്തി. ഇന്ത്യന്‍ മഹാസമുദ്രത്തില്‍ ഒരു ന്യൂനമര്‍ദം രൂപം കൊണ്ടതിനെത്തുടര്‍ന്നാണ് കേരളത്തില്‍ പലയിടത്തും ഇപ്പോള്‍ മഴ ലഭിക്കുന്നതെന്നും കാലാവസ്ഥാ നിരീക്ഷണകേന്ദ്രം അറിയിച്ചു.