സംസ്ഥാനത്ത് താപനില ഉയരുന്നതായി റിപ്പോര്‍ട്ട്

തിരുവനന്തപുരം: സംസ്ഥാനത്ത് താപനില ഉയരുന്നതായി റിപ്പോര്‍ട്ട്. രാജ്യത്ത് ഏറ്റവും ചൂടേറിയ പത്തുസ്ഥലങ്ങളുടെ പട്ടികയില്‍ നാലാം സ്ഥാനത്ത് നില്‍ക്കുന്നത് തൃശൂര്‍ ജില്ലയാണ്. മാര്‍ച്ച്‌ ഒന്നിന് രേഖപ്പെടുത്തിയ അന്തരീക്ഷ ഊഷ്മാവിന്റെ അടിസ്ഥാനത്തില്‍ സ്കൈമെറ്റ് എന്ന സ്വകാര്യ കാലാവസ്ഥാ നിരീക്ഷണ ഏജന്‍സിയാണ് പട്ടിക തയ്യാറാക്കിയത്.

മാര്‍ച്ച്‌ ഒന്നിന് 38.4 ഡിഗ്രി സെല്‍ഷ്യസായിരുന്നു തൃശ്ശൂരിലെ ഏറ്റവും കൂടിയ ചൂട്. അന്ന് 39.2 ഡിഗ്രി രേഖപ്പെടുത്തിയ ഗുജറാത്തിലെ സൂറത്താണ് പട്ടികയില്‍ മുന്നില്‍. ഉച്ചനേരത്ത് നേരിട്ട് വെയിലേല്‍ക്കുന്ന ജോലികള്‍ ഒഴിവാക്കണമെന്നും പകല്‍ പുറം ജോലികള്‍ കഴിവതും ഒഴിവാക്കണമെന്നും തൊഴില്‍വകുപ്പ് നിര്‍ദേശിച്ചു.11 മുതല്‍ മൂന്നു മണിവരെ തൊഴിലാളികള്‍ക്ക് ഇടവേള നല്‍കാനും തൊഴില്‍വകുപ്പ് നിര്‍ദേശം നല്‍കി.