വാഹന പണിമുടക്ക്; പരീക്ഷകള്‍ മാറ്റിവച്ചു

തിരുവനന്തപുരം: മോട്ടോർ വാഹന പണിമുടക്ക് കണക്കിലെടുത്ത് കണ്ണൂര്‍, എംജി, കേരള, ആരോഗ്യ സർവകലാശാലകൾ നാളെ നടത്താനിരുന്ന എല്ലാ പരീക്ഷകളും മാറ്റിവച്ചു. പുതുക്കിയ തീയതികൾ പിന്നീട് അറിയിക്കും.

മോട്ടോര്‍ വാഹന നിയമ ഭേദഗതി പിന്‍വലിക്കണമെന്ന് ആവശ്യപ്പെട്ടാണ് തൊഴിലാളി യൂണിയനുകള്‍ ദേശീയ പണിമുടക്ക് നടത്തുന്നത്. ഇന്ന് അര്‍ധരാത്രിമുതലാണ് പണിമുടക്ക്. ബിഎംഎസ് ഒഴികെയുള്ള യൂണിയനുകള്‍ പണിമുടക്കില്‍ പങ്കെടുക്കും.

ഓട്ടോ, ടാക്സി,സ്വകാര്യ ബസുകള്‍, ചരക്ക് കടത്ത് വാഹനങ്ങള്‍ എന്നിവ സമരത്തിൽ പങ്കെടുക്കും. വിവിധ ആവശ്യങ്ങള്‍ ഉന്നയിച്ച് കെഎസ്ആ‍ർടിസിയിലെ വിവിധ യൂണിയനുകളും ഇന്ന് അർദ്ധരാത്രി മുതൽ പണിമുടക്കിന് ആഹ്വാനം ചെയ്തിട്ടുണ്ട്.