അനുശ്രീയുടെ കോഫീബില്ല്: പാര്‍ലമെന്റിലുന്നയിക്കുമെന്ന് രാജേഷ് എംപി

കൊച്ചി: നടി അനുശ്രീ കോഫി ഷോപ്പില്‍ നിന്നും കിട്ടിയ ബില്ലിനെക്കുറിച്ച് കേന്ദ്രസര്‍ക്കാരിന്റെ ശ്രദ്ധയില്‍പ്പെടുത്തുമെന്ന് എംപി എംബി രാജേഷ്. അനുശ്രീയില്‍ നിന്നും കോഫ് ഷോപ്പ് ഈടാക്കിയത് അന്യായമായ തുകയാണെന്ന് എംബി രാജേഷ് അഭിപ്രായപ്പെട്ടു. വിഷയം വളരെ ഗൗരവകരമാണ്. വിമാനത്താവളങ്ങളിലെ ഇത്തരം കൊള്ളകള്‍ തീര്‍ച്ചയായും പാര്‍ലമെന്റിന്റെ ശ്രദ്ധയില്‍ പെടുത്തുമെന്നും രാജേഷ് പറഞ്ഞു.

തിരുവനന്തപുരം അന്താരാഷ്ട്ര വിമാനത്താവളത്തിലെ കോഫീ ഷോപ്പില്‍ നിന്നും കാപ്പി കുടിച്ചസംഭവത്തെ കുറിച്ച് ഫെയ്‌സ് ബുക്കിലൂടെയാണ് അനുശ്രീ വെളിപ്പെടുത്തിയത്. രണ്ട് പഫ്‌സിനും ഒരു കട്ടന്‍ ചായയ്ക്കും ഒരു കട്ടന്‍ കാപ്പിക്കും ബില്ലടച്ചത്. ബില്ലടച്ചത് 680 രൂപ. പഫ്‌സ് ഒന്നിന് 250, കട്ടന്‍ കാപ്പി 100, കട്ടന്‍ ചായ 80 എന്നിങ്ങനെയാണ് കോഫി ഷോപ്പിലെ വില. താരത്തിൻെറ ഫേസ്ബുക്ക് പോസ്റ്റ് സോഷ്യൽ മീഡിയയിൽ വൈറലായിരുന്നു.