കേരളത്തിന്റെ അട്ടിപ്പേർ സഖാക്കൾക്ക് ഇല്ലെന്നുകൂടെ പറയാൻ തയ്യാറാകുമോ? മുഖ്യമന്ത്രിയോട് ഫാത്തിമ തഹിലിയ

കൊച്ചി: കാസർഗോട് എസ്കെഎസ്എസ്എഫ് പ്രവർത്തകർ പതാക ഉയർത്തുന്നത് ഡിവൈഎഫ്ഐ പ്രവർത്തകർ തടഞ്ഞ സംഭവത്തിൽ വിമർശനവുമായി എംഎസ്എഫ് അഖിലേന്ത്യ വൈസ് പ്രസിഡന്റ് ഫാത്തിമ തഹിലിയ.

'യുഡിഎഫിനെ ലീഗ് നിയന്ത്രിച്ചാൽ തനിക്കെന്താണ് പ്രശ്നം'; മുഖ്യമന്ത്രിക്കെതിരെ എംഎസ്എഫ് വനിതാ നേതാവ്
മുസ്ലിം സമുദായത്തിന്റെ അട്ടിപ്പേർ മുസ്ലിം ലീഗിനില്ലെന്ന് പറയുന്ന പിണറായി വിജയൻ കേരളത്തിന്റെ അട്ടിപ്പേർ സഖാക്കൾക്ക് ഇല്ല എന്നുകൂടെ പറയാൻ തയ്യാറാകണമെന്ന് ഫാത്തിമ പറഞ്ഞു. സംസ്ഥാനത്തെ പ്രബല മതസംഘടയ്ക്കു പോലും പ്രവർത്തന സ്വാതന്ത്ര്യം ഇല്ലാതാകാൻ കേരളം ഉത്തർപ്രദേശ് ആയി മാറിയോ എന്നും ഫാത്തിമ ചോദിക്കുന്നു.

സിപിഎം മുസ്ലിം സംഘടനകളെ രാക്ഷസ വത്കരിക്കും; അമിത് ഷായുടെ സോഷ്യൽ എഞ്ചിനീയറിങ്: വീണ്ടും ആഞ്ഞടിച്ച് ഫാത്തിമ തഹിലിയ
"എസ്കെഎസ്എസ്എഫ് പതാക ഉയർത്തുന്നത് ഡിവൈഎഫ്ഐ തടയുന്ന വാർത്ത വീഡിയോ സഹിതം പുറത്ത് വന്നിരിക്കുന്നു. കേരളത്തിലെ പ്രബല മതസംഘടനക്ക് പോലും പ്രവർത്തന സ്വാതന്ത്ര്യമില്ലാതിരിക്കാൻ ഉത്തർപ്രദേശ് ആയി മാറിയോ നമ്മുടെ നാട്? മുസ്ലിം സമുദായത്തിന്റെ അട്ടിപ്പേർ ലീഗിനിലെന്ന് പറയുന്ന പിണറായി വിജയൻ കേരളത്തിന്റെ അട്ടിപ്പേർ സഖാക്കൾക്ക് ഇല്ലെന്ന് കൂടെ പറയാൻ തയ്യാറാകുമോ? പതാക ദിനവുമായി ബന്ധപ്പെട്ട പ്രചരണങ്ങൾക്കിറങ്ങിയ സുന്നി വിദ്യാർത്ഥി സംഘടന പ്രവർത്തകർക്ക് നേരെ അക്രമം അഴിച്ചു വിട്ട സ്വന്തം പാർട്ടിക്കാരെ തള്ളിപ്പറയാൻ മുഖ്യമന്ത്രി തയ്യാറാകണം." ഫാത്തിമ ഫേസ്ബുക്ക് പോസ്റ്റിൽ പറഞ്ഞു.