ബിനോയ് കോടിയേരിക്കെതിരെ കുറ്റപത്രം; ഡിഎന്‍എ പരിശോധനാ ഫലം സമര്‍പ്പിച്ചിട്ടില്ല

മുംബൈ: ബിഹാര്‍ സ്വദേശിനിയെ വിവാഹവാഗ്ദാനം നല്‍കി പീഡിപ്പിച്ചെന്ന കേസില്‍ സിപിഎം പോളിറ്റ് ബ്യൂറോ അംഗം കോടിയേരി ബാലകൃഷ്ണന്റെ മകന്‍ ബിനോയിയ്‌ക്കെതിരെ മുംബൈ പോലീസിന്റെ കുറ്റപത്രം. അന്ധേരി മെട്രോപോളിറ്റന്‍ മജിസ്‌ട്രേറ്റ് കോടതിയിലാണ് കുറ്റപത്രം സമര്‍പ്പിച്ചത്. കേസ് രജിസ്റ്റര്‍ ചെയ്ത് ഒന്നര വര്‍ഷത്തിന് ശേഷമാണ് 678 പേജുള്ള കുറ്റപത്രം നല്‍കുന്നത്.

Also Read: കേരളത്തിലേയ്ക്ക് കൂടുതല്‍ തീവണ്ടികള്‍; സ്‌പെഷല്‍ സര്‍വീസ് ആയി പുനരാരംഭിച്ച പ്രതിദിന ട്രെയിനുകളുടെ സമയക്രമം

ബിനോയ് പീഡനം നടത്തിയതിന് തെളിവുണ്ടെന്ന് കുറ്റപത്രത്തില്‍ പറയുന്നു. ടിക്കറ്റും വിസയും യുവതിയ്ക്ക് അയച്ചു കൊടുത്തതിന്റേയും മുംബൈയില്‍ ഫ്‌ളാറ്റ് എടുത്ത് കൊടുത്തതിന് ഉടമകളുടെയും മൊഴികള്‍ ബിനോയിക്കെതിരെ കുറ്റപത്രത്തിലുണ്ട്.

Also Read: ഡിസംബര്‍ 26ന് ശേഷം ആര്‍ടിപിസിആര്‍ പരിശോധന നിര്‍ബന്ധം; ശബരിമല തീര്‍ത്ഥാടനത്തിനായി പുതുക്കിയ ആരോഗ്യ മാര്‍ഗനിര്‍ദേശങ്ങള്‍

ബിഹാര്‍ സ്വദേശിനിയായ യുവതിയുടെ പരാതിയില്‍ കഴിഞ്ഞ വര്‍ഷം ജൂണ്‍ 13 നാണ് കേസ് രജിസ്റ്റര്‍ ചെയ്തത്. യുവതിയുടെ കുട്ടിയുടെ പിതൃത്വം തെളിയിക്കാനുള്ള ഡിഎന്‍എ പരിശോധനാ ഫലം സമര്‍പ്പിച്ചിട്ടില്ല. പരിശോധനാ ഫലം ലാബില്‍ നിന്ന് ലഭിച്ചിട്ടില്ലെന്നാണ് പോലീസ് കോടതിയെ അറിയിച്ചത്.