ബ്രിട്ടനിൽ ഇന്ത്യക്കാരിയുടെ മരണം: ഭര്‍ത്താവിനെതിരെ കൊലക്കുറ്റം

ലണ്ടൻ: ബ്രിട്ടനിൽ ഇന്ത്യൻ വംശജയായ ഫാര്‍മസിസ്റ്റ് കൊല്ലപ്പെട്ട സംഭവത്തിൽ ഭര്‍ത്താവിനെതിരെ കൊലക്കുറ്റം ചുമത്തി. കഴി‍ഞ്ഞ തിങ്കളാഴ്ചയാണ് ഭര്‍ത്താവിനൊപ്പം മെഡിക്കൽ ഷോപ്പ് നടത്തിവന്നിരുന്ന ജെസിക്ക പട്ടേലിനെ വീട്ടിനുള്ളിൽ മരിച്ച നിലയിൽ കണ്ടെത്തിയത്.

തുടര്‍ന്ന് ഇന്നലെ ജെസിക്കയുടെ ഭര്‍ത്താവ് മിതേഷ് പട്ടേലിനെതിരെ ടീസൈഡ് മജിസ്ട്രേറ്റ് കോടതി കൊലക്കുറ്റം ചുമത്തി അറസ്റ്റ് ചെയ്യാൻ ഉത്തരവിടുകയായിരുന്നു. മിഡിൽസ്ബറോയിലെ ലിൻതോര്‍പ്പിൽ ഇവര്‍ മെഡിക്കൽ ഷോപ്പ് നടത്തിവരികയായിരുന്നു.

മാഞ്ചസ്റ്റര്‍ യൂണിവേഴ്സിറ്റിയിലെ പഠനത്തിനിടെ പരിചയപ്പെട്ട ഇരുവരും പിന്നീട് വിവാഹിതരാകുകയായിരുന്നു.

മരണകാരണവും പോസ്റ്റ്മോര്‍ട്ടം റിപ്പോര്‍ട്ട് ഉള്‍പ്പെടുന്ന വിവരങ്ങളും പോലീസ് പുറത്തുവിട്ടിട്ടില്ല.