മൂത്തൂറ്റ് സമരം; സിഐടിയു സമരത്തിനെതിരെ രൂക്ഷ വിമര്‍ശനവുമായി ജീവനക്കാരുടെ അസോസിയേഷന്‍

തിരുവനന്തപുരം: മൂത്തൂറ്റ് ഫിനാന്‍സില്‍ സിഐടിയു നടത്തുന്ന സമരത്തിനെതിരെ മൂത്തൂറ്റ് ജീവനക്കാരുടെ അസോസിയേഷന്‍ രംഗത്ത്. മുത്തൂറ്റ് ബ്രാഞ്ചുകള്‍ തുറക്കാനും തൊഴില്‍ ചെയ്യാനും സിഐടിയു ഗുണ്ടകള്‍അനുവദിക്കുന്നില്ല. വനിത തൊഴിലാളികള്‍ ഉള്‍പ്പെടെ ആക്രമിക്കപ്പെട്ടെന്നുമാണ് ജീവനക്കാരുടെ വാദം.

Also Read: നിരീക്ഷണത്തിൽ കഴിയുന്നവർ നിർദേശങ്ങൾ പാലിച്ചില്ലെങ്കിൽ നടപടിയെന്ന് പത്തനംതിട്ട ജില്ലാ കളക്ടർ

മന്ത്രി ടിപി രാമകൃഷ്ണനും എം സ്വരാജ് എംഎല്‍എയും ജനങ്ങളെയും നിയമസഭയെയും തെറ്റിദ്ധരിപ്പിക്കുകയാണെന്നും ജീവനക്കാര്‍ ആരോപക്കുന്നു. ജോലിചെയ്യാന്‍ എത്തുന്ന വനിതകളെ സിഐടിയു പ്രവര്‍ത്തകര്‍ അധിക്ഷേപിക്കുകയാണ്. മന്ത്രിയുടെയും എംഎല്‍എയുടെയും അറിവോടെയാണ് ഇതെന്ന് സംശയിക്കുന്നതായും മൂത്തൂറ്റ് സ്റ്റാഫ് വെല്‍ഫെയര്‍ അസോസിയേഷന്‍ പറഞ്ഞു.

Also Read: കൊറോണ; തിരുവനന്തപുരത്ത് പ്രത്യക സജ്ജീകരണങ്ങള്‍

സമരം 77 ദിവസം പിന്നിട്ടിട്ടും ലേബര്‍ കോടതിയിലേക്ക് റഫര്‍ ചെയ്യാന്‍ അധികാരികള്‍ തയ്യാറാകുന്നില്ല. കൊവിഡിന്റെ പശ്ചാത്തലത്തില്‍ ആളുകള്‍ കൂട്ടം കൂടരുതെന്ന് സര്‍ക്കാര്‍ നിര്‍ദേശമുണ്ട്. എന്നാല്‍ സിഐടിയു പ്രവര്‍ത്തകര്‍ കൂട്ടത്തോടെ എത്തി ബ്രാഞ്ചുകള്‍ അടപ്പിക്കുന്നതായും ജീവനക്കാര്‍ ആരോപിച്ചു. കേരളത്തില്‍ മൂത്തൂറ്റിന് ബിസിനസ് തുടരാന്‍ ആവാത്ത അവസ്ഥയാണ് ഇപ്പോഴുള്ളതെന്നും ജീവനക്കാരുടെ അസോസിയേഷന്‍ ആരോപിച്ചു.