തിരുവനന്തപുരം: എംടി വാസുദേവൻ നായരുടെ പ്രസംഗവുമായി ബന്ധപ്പെട്ട് വിവാദത്തിൽ പ്രതികരണവുമായി സിപിഎം സംസ്ഥാന സെക്രട്ടറി എംവി ഗോവിന്ദൻ. 2003ൽ എഴുതിയ ലേഖനം മുഖ്യമന്ത്രി പങ്കെടുത്ത ചടങ്ങിൽ 20 വർഷത്തിനു ശേഷം വീണ്ടും വായിക്കുകയായിരുന്നുവെന്ന് ചൂണ്ടിക്കാട്ടിയ എംവി ഗോവിന്ദൻ, അന്ന് എംടി ആ ലേഖനം എഴുതിയത് അന്നത്തെ ഭരണാധികാരികൾക്കെതിരെയായിരുന്നോ എന്ന ചോദ്യമുന്നയിച്ചു. 2003ൽ എകെ ആന്റണിയാണ് ഭരിച്ചിരുന്നത്. ആന്റണിക്കെതിരെയായിരുന്നോ അന്ന് എംടി എഴുതിയതെന്ന് എംവി ഗോവിന്ദൻ ചോദിച്ചു. മാധ്യമപ്രവർത്തകരുടെ ചോദ്യങ്ങൾക്ക് മറുപടി പറയുകയായിരുന്നു അദ്ദേഹം.
അതെസമയം താൻ പ്രസംഗിച്ചത് മുഖ്യമന്ത്രിയെ ഉദ്ദേശിച്ചല്ലെന്ന് എംടി വാസുദേവൻ നായർ കഴിഞ്ഞദിവസം പ്രതികരിച്ചിരുന്നു. റഷ്യയിൽ അടക്കമുള്ള സാഹചര്യങ്ങൾ പരാമർശിച്ചതിന്റെ അർത്ഥം മലയാളം അറിയുന്നവർക്ക് മനസ്സിലാകുമെന്നും അദ്ദേഹം പറയുകയുണ്ടായി.
എന്നാൽ എംടി ഉദ്ദേശിച്ചതിൽ ഡൽഹിയും തിരുവനന്തപുരവും വരുമെന്ന് കോൺഗ്രസ് നേതാവ് ശശി തരൂർ വ്യക്തമാക്കി. ഒരാൾ തിരുവനന്തപുരത്തും ഒരാൾ ഡൽഹിയിലുമുണ്ട്. രാഷ്ട്രീയത്തിൽ ഭക്തി അപകടമാണെന്ന് അംബേദ്കർ പറഞ്ഞിട്ടുണ്ട്. എംടി പറയുന്നത് അംബേദ്കറിന്റെ അതേ ചിന്തകളാണെന്നും അദ്ദേഹം പറഞ്ഞു.
അതെസമയം താൻ പ്രസംഗിച്ചത് മുഖ്യമന്ത്രിയെ ഉദ്ദേശിച്ചല്ലെന്ന് എംടി വാസുദേവൻ നായർ കഴിഞ്ഞദിവസം പ്രതികരിച്ചിരുന്നു. റഷ്യയിൽ അടക്കമുള്ള സാഹചര്യങ്ങൾ പരാമർശിച്ചതിന്റെ അർത്ഥം മലയാളം അറിയുന്നവർക്ക് മനസ്സിലാകുമെന്നും അദ്ദേഹം പറയുകയുണ്ടായി.
എന്നാൽ എംടി ഉദ്ദേശിച്ചതിൽ ഡൽഹിയും തിരുവനന്തപുരവും വരുമെന്ന് കോൺഗ്രസ് നേതാവ് ശശി തരൂർ വ്യക്തമാക്കി. ഒരാൾ തിരുവനന്തപുരത്തും ഒരാൾ ഡൽഹിയിലുമുണ്ട്. രാഷ്ട്രീയത്തിൽ ഭക്തി അപകടമാണെന്ന് അംബേദ്കർ പറഞ്ഞിട്ടുണ്ട്. എംടി പറയുന്നത് അംബേദ്കറിന്റെ അതേ ചിന്തകളാണെന്നും അദ്ദേഹം പറഞ്ഞു.