നടിയെ ആക്രമിച്ച കേസ്: നാദിര്‍ഷാ നാളെ ചോദ്യം ചെയ്യലിന് ഹാജരാകണം

കൊച്ചി: നടിയെ തട്ടിക്കൊണ്ടുപോയി ആക്രമിച്ച കേസില്‍ നടനും സംവിധായകനുമായ നാദിര്‍ഷാ ചോദ്യം ചെയ്യലിനായി ഞായറാഴ്‍ച ഹാജരാകണമെന്ന് പോലീസ്. രാവിലെ 10ന് ആലുവയിലെ പോലീസ് ക്ലബ്ബില്‍ എത്തണമെന്നാണ് നിര്‍ദേശിച്ചിരിക്കുന്നത്.

നേരത്തേ, പോലീസ് നാദിര്‍ഷായെ ചോദ്യം ചെയ്യാന്‍ ഒരുങ്ങിയിരുന്നെങ്കിലും ആരോഗ്യപ്രശ്‍നങ്ങളെത്തുടര്‍ന്ന് നീട്ടിവെക്കുകയായിരുന്നു. ചോദ്യം ചെയ്യാന്‍ ഹാജരാകണമെന്ന് ജാമ്യാപേക്ഷ സമര്‍പ്പിച്ച വേളയില്‍ കോടതിയും നാദിര്‍ഷായോട് ആവശ്യപ്പെട്ടിരുന്നു. ഇതിനെത്തുടര്‍ന്നാണ് പോലീസ് നാദിര്‍ഷായെ ചോദ്യം ചെയ്യാന്‍ ശ്രമം തുടങ്ങിയത്.

പോലീസ് ആവശ്യപ്പെട്ട പ്രകാരം വെള്ളിയാഴ്‍ച രാവിലെ നാദിര്‍ഷ ഹാജരായെങ്കിലും ആരോഗ്യപ്രശ്‍നങ്ങള്‍ അനുഭവപ്പെട്ടതിനെത്തുടര്‍ന്ന് ചോദ്യം ചെയ്യല്‍ മാറ്റിവെക്കുകയായിരുന്നു. ചികിത്സ തേടി ആരോഗ്യം വീണ്ടെടുത്തശേഷം വീണ്ടും എത്താമെന്ന് നാദിര്‍ഷാ അറിയിച്ചെങ്കിലും ചോദ്യം ചെയ്യല്‍ പോലീസ് മാറ്റിവെക്കുകയായിരുന്നു.

Nadirsha to summon tomorrow before police

The police have asked director Nadirsha to summon tomorrow for questioning.