അവിവാഹിതർക്ക് പ്രത്യേക ആനുകൂല്ല്യം നൽകണമെന്ന് ബാബാ രാംദേവ്

ന്യൂഡൽഹി: തന്നെപ്പോലെ വിവാഹം കഴിക്കാത്തവർക്ക് പ്രത്യേക ആനുകൂല്ല്യം നൽകണമെന്ന് ബാബാ രാംദേവ്. വിവാഹതരായി രണ്ടു കുട്ടികൾക്ക് ജന്മം നൽകുന്നവരുടെ വോട്ടവകാശം എടുത്തുകളയണമെന്നും രാംദേവ് ആവശ്യപ്പെട്ടു.

കുടുംബ ഭാരം ചുമക്കാൻ തനിക്ക് താത്പര്യം ഇല്ലെന്നും പതഞ്ജലി പോലുള്ള ഉത്പന്നങ്ങൾ നിർമ്മിച്ച് 2050 ആകുമ്പോഴേക്ക് ഇന്ത്യയെ ലോകത്തെ ഏറ്റവും വലിയ സംമ്പദ് വ്യവസ്ഥയാക്കി മാറ്റാനാണ് ശ്രമിക്കുന്നതെന്നും രാംദേവ് പറഞ്ഞു. കുടുംബ ജീവിതം നടക്കാത്തതിനാൽ തനിക്ക് മറ്റെല്ലാകാര്യങ്ങളിലും ശ്രദ്ധചെലുത്താൻ കഴിയുന്നുണ്ടെന്നും രാംദേവ് കൂട്ടിച്ചേർത്തു.

വിവാഹം കഴിച്ചവരും കഴിക്കാത്തവരുമുണ്ട്. കുടുംബ ജീവിതം നയിക്കുകയെന്നത് പ്രയാസമേറിയ കാര്യമാണ്. വിവാഹശേഷം കുട്ടികളുണ്ടാകുമ്പോൾ കുടുംബത്തിനുവേണ്ടി മാത്രമായി ജീവിതം മാറ്റവെയ്ക്കപ്പെടുകയാണെന്നും രാംദേവ് പറഞ്ഞു.