നെഹ്‌റു ട്രോഫി വള്ളംകളി നവംബര്‍ 10ന്; സച്ചിൻ മുഖ്യാതിഥി

തിരുവനന്തപുരം: പ്രളയം കാരണം മാറ്റിവെച്ച നെഹ്‌റു ട്രോഫി വള്ളംകളി അടുത്ത മാസം പത്തിന് നടത്തും. നെഹ്‌റുട്രോഫി ബോട്ട് റേസ് സൊസൈറ്റി യോഗത്തിലാണ് തീരുമാനം. ആഗസ്ത് മാസത്തിലെ രണ്ടാമത്തെ ശനിയാഴ്ചയാണ് വള്ളം കളി നടക്കേണ്ടിയിരുന്നത്. എന്നാൽ പിന്നീട് മാറ്റുകയായിരുന്നു.

ക്രിക്കറ്റ് ഇതിഹാസം സച്ചിൻ ടെണ്ടുൽക്ക‍ർ തന്നെയായിരിക്കും പരിപാടിയിൽ മുഖ്യാതിഥിയായി എത്തുകയെന്ന് മന്ത്രി തോമസ് എെസക് അറിയിച്ചു. നേരത്തെ വള്ളം കളി നിശ്ചയിച്ചപ്പോഴും സച്ചിൻ മുഖ്യാതിഥിയായി എത്തുമെന്നായിരുന്നു തീരുമാനം. കേരളത്തിൻെറ ടൂറിസം മേഖലയെ ഉണ‍ർത്തുക എന്നത് കൂടിയാണ് വള്ളം കളിയുടെ ഉദ്യേശമെന്ന് തോമസ് എെസക് പറഞ്ഞു.