ഐസൊലേഷനിലുള്ള ചെങ്ങളം സ്വദേശിയുടെ അയല്‍വാസി മരിച്ചു, മരണം ഹൃദയാഘാതം മൂലം

കോട്ടയം: ഐസലേഷന്‍ വാര്‍ഡില്‍ കഴിയുന്ന ചെങ്ങളം സ്വദേശിയുടെ അയല്‍ക്കാരന്‍ മരിച്ചു. കൊറോണ വൈറസ് ബാധിച്ച ഇറ്റലിക്കാരന്റെ മരുമകനായ ചെങ്ങളം സ്വദേശിക്ക് ബൈറസ് ബാധ സ്ഥിരീകരിച്ചിരുന്നു. ഇയാളുമായി നേരിട്ട് സമ്പര്‍ക്കം പുലര്‍ത്തിയ യവാവിന്റെ പിതാവാണ് മരിച്ചത്. മരിച്ചയാളെ ആരോഗ്യവകുപ്പ് സെക്കണ്ടറി കോണ്‍ടാക്റ്റ് ലിസ്റ്റില്‍ പെടുത്തിയിരുന്നു.

Also Read: കോട്ടയത്ത് കൊവിഡ് ബാധിതരെ പരിചരിച്ച നഴ്സുമാരെ വാടകവീട്ടില്‍ നിന്ന് ഇറക്കി വിട്ടു

ഇയാള്‍ക്ക് പ്രത്യേകിച്ച് അസ്വസ്ഥതകളൊന്നും ഉണ്ടായിരുന്നില്ല. കഴിഞ്ഞ ദിവസം വൈകിട്ടോടെ ശാരീരിക അസ്വസ്ഥതകള്‍ പ്രകടിപ്പിക്കാന്‍ തുടങ്ങി. തുടര്‍ന്ന് ആംബുലന്‍സില്‍ കയറ്റി മെഡിക്കല്‍ കോളേജില്‍ എത്തിച്ചെങ്കിലും വഴിയില്‍ വെച്ച് തന്നെ മരണപ്പെടുകയായിരുന്നു. സ്രവങ്ങള്‍ പരിശോധനയ്ക്കായ് അയച്ചിട്ടുണ്ട്.

Also Read: ആശ്വാസം! പത്തനംതിട്ടയിൽ 10 പേരുടെ കൊവിഡ് 19 പരിശോധനാ ഫലം നെഗറ്റീവ്

ഫലം പുറത്ത് വരാന്‍ രണ്ട് ദിവസമെടുക്കും. അത് കഴിഞ്ഞ് മാത്രമേ കൊറോണ വൈറസ് ബാധമൂലമാണോ മരണം സംഭവിച്ചതെന്ന് സ്ഥിരീകരിക്കാനാകൂ. ഇതോടെ ചെങ്ങളത്ത് കനത്ത ജാഗ്രതയാണ് നിലനില്‍ക്കുന്നത്. പ്രദേശത്ത് നിന്ന് ജനങ്ങളെ ഒഴിപ്പിക്കുകയും മൃതദേഹത്തില്‍ നിന്ന് അകലം പാലിക്കാന്‍ ബന്ധുക്കള്‍ക്ക് നിര്‍ദേശം നല്‍കിയിട്ടുമുണ്ട്.

Also Read: കാസര്‍ഗോഡ് യുവദമ്പതികളെ തൂങ്ങി മരിച്ച നിലയില്‍ കണ്ടെത്തി

വൈറസ് ബാധ സ്ഥിരീകരിച്ച ചെങ്ങളെ സ്വദേശിയുടെ നേരെ മുന്നിലെ വീട്ടിലാണ് പരേതന്‍. ഇവര്‍ക്ക് അവിടെ ഒരു കടയുണ്ട്. ഈ കടയില്‍ രോഘം ബാധിച്ച ചെങ്ങളം സ്വദേശി സ്ഥിരമായി ഇടപെടാറുണ്ടെന്നാണ് റിപ്പോര്‍ട്ട്. സംസ്‌കാരത്തില്‍ അധികമാരും പങ്കെടുക്കാന്‍ പാടില്ലെന്ന് അറിയിപ്പുണ്ട്.