നെന്മാറ വെടിക്കെട്ട് അപകടം: നിരവധി പേർക്ക് പരിക്ക്

പാലക്കാട്: നെന്മാറ വല്ലങ്ങി വെടിക്കെട്ട്‌ അപകടത്തിൽ നിരവധി ആൾക്കാർക്ക് പരിക്ക്. രണ്ട് പേരുടെ നില ഗുരുതരം, പരിക്കേറ്റവരിൽ രണ്ട് വനിതാ പോലീസുകാർ ഉൾപ്പെടുന്നു.

വൈകീട്ട് എട്ട് മണിയോടെ വല്ലങ്ങിക്കാരുടെ വെടിക്കെട്ടിനിടെയാണ് അപകടം ഉണ്ടായത് , വെടിക്കെട്ട്‌ കാണാൻ ക്ഷേത്ര കുളത്തിന് സമീപം നിന്നവരുടെ ശരീരത്തിൽ പൊട്ടി തെറിച്ച കതിനകളുടെ ചീളുകൾ തറക്കുകയായിരുന്നു. ചരിത്ര പ്രസിദ്ധമായ നെന്മാറ-വല്ലങ്ങി വേല കാണാൻ നിരവധി പേരാണ് എത്തിയത്.