ബന്ധുനിയമനം: ജയരാജനെതിരായ കേസ് അവസാനിപ്പിക്കുന്നെന്ന് സർക്കാർ

കൊച്ചി: മുൻ മന്ത്രി ഇ.പി.ജയരാജനെതിരായ ബന്ധുനിയനമനക്കേസ് അവസാനിപ്പിക്കുകയാണെന്ന് സർക്കാർ കോടതിയിൽ. കേസ് അവസാനിപ്പിക്കുന്ന കാര്യം ഹൈക്കോടതിയിലാണ് സർക്കാർ അറിയിച്ചത്. കേസ് അവസാനിപ്പിക്കാൻ വിജിലൻസ് നേരത്തെ തീരുമാനിച്ചിരുന്നു. അഴിമതി നിരോധന നിയമം നില നിൽക്കില്ലെന്ന് കണ്ടെത്തിയാണ് വിജിലൻസ് കേസ് അവസാനിപ്പിക്കാൻ തീരുമാനിച്ചത്.

ഇപി ജയരാജൻ വ്യവസായ മന്ത്രിയായിരുന്ന സമയത്ത് വകുപ്പിലെ പൊതു മേഖലാ സ്ഥാപനത്തിൻെറ തലപ്പത്ത് ബന്ധുവിനെ നിയമിച്ചത് വൻവിവാദമായിരുന്നു. ബന്ധുവായ പികെ സുധീർ നമ്പ്യാരെ കേരള സ്റ്റേറ്റ് ഇൻഡസ്ട്രിയൽ എൻറർപ്രൈസിൽ എംഡിയായി നിയമിച്ചുവെന്നാണ് കേസ്. വിവാദങ്ങളെ തുടർന്ന് ജയരാജന് മന്ത്രി സ്ഥാനം രാജി വെക്കേണ്ടിയും വന്നിരുന്നു.

Nepotism case against EP Jayarajan closed, says government in High Court

Kerala government informed in High Court that nepotism case against former minister EP Jayarajan is closed.