ബന്ധു നിയമനം: ജയരാജനും ശ്രീമതിക്കും കേന്ദ്ര കമ്മിറ്റിയുടെ താക്കീത്

ന്യൂഡൽഹി: ബന്ധു നിയമന വിവാദത്തിൽ പി.കെ. ശ്രീമതിക്കും ഇ.പി.ജയരാജനും സിപിഎം കേന്ദ്ര കമ്മിറ്റിയുടെ താക്കീത്. കേന്ദ്ര കമ്മിറ്റിയിൽ ജയരാജൻ പങ്കെടുക്കുന്നല്ലെങ്കിലും നടപടിയുമായി മുൻപോട്ട് പോകാൻ പോളിറ്റ് ബ്യുറോ അനുമതി നൽകിയിരുന്നു. അച്ചടക്ക നടപടിയുടെ ആദ്യ പടി എന്ന രീതിയിലാണ് ഇരുവർക്കും താക്കീത് നൽകിയിരിക്കുന്നത്.

ഇതിലും കടുത്ത നടപടി ഇപ്പോൾ വേണ്ട എന്ന തീരുമാനം പോളിറ്റ് ബ്യുറോ രാവിലെ കൈക്കൊണ്ടിരുന്നു.
പി.കെ.ശ്രീമതിയോടും ജയരാജനോടും നേരത്തെ വിശദീകരണം ചോദിച്ചിരുന്നു. ശ്രീമതി വിശദീകരണം നൽകിയെങ്കിലും ജയരാജൻ ഇത് വരെ മറുപടി നൽകിയിരുന്നില്ല. ജയരാജന്‍റെ വിശദീകരണ മറുപടി കൂടി വന്നിട്ട് നടപടി മതിയെന്ന സിപിഎം സംസ്ഥാന നേതാക്കളുടെ വാദം പിബി അംഗീകരിച്ചില്ല.

Nepotism: Jayarajan and Sreemathi are given warning by the CPM CC