ആശുപത്രിയില്‍നിന്ന് നവജാത ശിശുവിനെ തട്ടിക്കൊണ്ടുപോയി

പത്തനംതിട്ട: ആശുപത്രി ജീവനക്കാരി ചമഞ്ഞെത്തിയ സ്ത്രീ നവജാതശിശുവിനെ തട്ടിക്കൊണ്ടുപോയതായി പരാതി. കോഴഞ്ചേരി ജില്ലാ ആശുപത്രിയില്‍ വ്യാഴാഴ്‍ച രാവിലെ 10 മണിക്കാണ് സംഭവം. റാന്നി പാടത്തുംപടി സ്വദേശി സജി–അനിത ദമ്പതികളുടെ മൂന്നു ദിവസം പ്രായമായ ആൺകുഞ്ഞിനെ 30 വയസ് പ്രായം തോന്നിക്കുന്ന യുവതി തട്ടിക്കൊണ്ടുപോവുകയായിരുന്നു.

കുത്തിവെപ്പ് എടുക്കണം എന്നുപറഞ്ഞ് കുഞ്ഞുമായി യുവതി കടന്നുകളയുകയായിരുന്നു. ഇവര്‍ ആശുപത്രി വേഷത്തില്‍ ആയിരുന്നില്ലെന്നാണ് വിവരം. സംഭവം അറിഞ്ഞ് ജില്ലാ പഞ്ചായത്ത് അധികൃതരും പോലീസും സ്ഥലത്തെത്തി. സംഭവസമയത്ത് ഡ്യൂട്ടിയിലുണ്ടായിരുന്ന ഡോക്ടറുടെയും നഴ്‍സിന്‍റെയും മൊഴി രേഖപ്പെടുത്തിയിട്ടുണ്ട്. സംഭവം ആശുപത്രി അധികൃതരുടെ അറിവോടെയാണോ എന്നും പോലീസ് പരിശോധിക്കുന്നുണ്ട്.

Newborn baby kidnapped from hospital

A newborn baby was kidnapped from Kozhencherry district hospital in Kerala on Thursday.