തിരുവനന്തപുരത്ത് കനത്ത മഴ; നെയ്യാര്‍ ഡാമിന്‍റെ ഷട്ടറുകള്‍ തുറന്നു

തിരുവനന്തപുരം: ഇന്നലെ രാത്രിയോടെ ആരംഭിച്ച കനത്ത മഴയെത്തുടര്‍ന്ന് തിരുവനന്തപുരം നെയ്യാര്‍ ഡാമിന്‍റെ ഷട്ടറുകള്‍ തുറന്നു. നിലവില്‍ ഒരടി വീതമാണ് ഷട്ടറുകള്‍ ഉയര്‍ത്തിയിരിക്കുന്നത്. മഴ തുടര്‍ന്നാല്‍ ഷട്ടറുകള്‍ കൂടുതല്‍ ഉയര്‍ത്തിയേക്കും.

ജലനിരപ്പ് ഉയര്‍ന്നതിനാല്‍ പേപ്പാറ ഡാമിന്‍റെ ഒരു ഷട്ടറും ഉയര്‍ത്തും. നെയ്യാറിന്‍റെയും കരമനയാറിന്‍റെയും തീരത്തുള്ളവര്‍ ജാഗ്രത പാലിക്കണമെന്ന് അധികൃതര്‍ അറിയിച്ചിട്ടുണ്ട്. അതേസമയം തിരുവനന്തപുരം ജില്ലയില്‍ കനത്ത മഴ തുടരുകയാണ്.