കണ്ണൂരില്‍ എന്‍ഐഎ റെയ്ഡ്: കസ്റ്റഡിയിലായവര്‍ക്ക് ഐഎസ് ബന്ധമെന്ന് സൂചന

കണ്ണൂര്‍: കണ്ണൂര്‍ പാനൂരില്‍ എന്‍ഐഎ നടത്തിയ റെയ്ഡിൽ അഞ്ച് യുവാക്കളെ കസ്റ്റഡിയിലെടുത്തു. ഇവര്‍ക്ക് ഐഎസുമായി ബന്ധമുണ്ടെന്നാണ് സൂചന. മൂന്ന് ഡിവൈഎസ്പിമാരുടെ നേതൃത്വത്തിലുള്ള എന്‍ഐഎ സംഘമാണ് ഇന്നുച്ചമുതല്‍ പാനൂര്‍ കനകമല മേഖലയില്‍ തെരച്ചില്‍ നടത്തിയത്.

ലോക്കല്‍ പൊലീസിനു പോലും എന്‍ഐഎ വിവരങ്ങള്‍ കൈമാറിയിട്ടില്ല. പ്രദേശത്ത് എന്‍ഐഎം സംഘം എത്തിയതറിഞ്ഞ് നാട്ടുകാരും തടിച്ചുകൂടിയിരുന്നു. പിടികൂടിയവരെ കോഴിക്കോട് എന്‍ഐഎ ഓഫീസിലേക്ക് കൊണ്ടുപോയി.