കൊച്ചി: നിപ ബാധിച്ച് കൊച്ചിയിലെ സ്വകാര്യ ആശുപത്രിയിൽ കഴിയുന്ന യുവാവിന്റെ ആരോഗ്യനില തൃപ്തികരമാണെന്ന് ആരോഗ്യമന്ത്രി കെകെ ശൈലജ. ഏഴുപേർ ഐസൊലേഷൻ വാർഡിലാണ്. ഇന്ന് പരിശോധനയ്ക്ക് അയച്ച നാലുപേരുടെ ഫലത്തിൽ കുഴപ്പമില്ലെന്നാണ് പ്രാഥമിക നിഗമനമെന്നും ശൈലജ പറഞ്ഞു. പ്രതിരോധ പ്രവർത്തനത്തിൽ കൂടുതൽ പരിശീലനം നടത്തിവരികയാണ്. നാളെ സ്കൂൾ തുറക്കുന്ന പശ്ചാത്തലത്തിൽ സ്കൂളുകളിലും പരിശീലന പരിപാടികളും പ്രതിരോധ പ്രവർത്തനങ്ങളും നടത്തും. വൈറസിന്റെ ഉറവിടം കണ്ടെത്താനുള്ള നടപടി പുരോഗമിക്കുകയാണെന്നും മന്ത്രി പറഞ്ഞു.
ചികിത്സയിൽ കഴിയുന്ന യുവാവ് ഭക്ഷണം കഴിക്കുന്നുണ്ട്. യുവാവിന്റെ ആരോഗ്യനില തൃപ്തികരമാണെന്ന് ആശുപത്രി പുറത്തിറക്കിയ മെഡിക്കൽ ബുള്ളറ്റിനിൽ വ്യക്തമാക്കിയിരുന്നു. ഐസൊലേഷൻ വാർഡുകളിൽ കഴിയുന്ന ആറ് രോഗികളുടെ സാമ്പിളുകൾ ആലപ്പുഴ, പൂണെ വൈറോളജി ലാബുകളിൽ പരിശോധനയ്ക്കായി അയച്ചിട്ടുണ്ട്.
രോഗിയുമായി ഇടപഴകിയ മൂന്നുപേരെക്കൂടി നിരീക്ഷണത്തിൽ ഏർപ്പെടുത്തിയിട്ടുണ്ട്. ഇതോടെ നിരീക്ഷണത്തിലായവരുടെ എണ്ണം 314 ആയി.
ചികിത്സയിൽ കഴിയുന്ന യുവാവ് ഭക്ഷണം കഴിക്കുന്നുണ്ട്. യുവാവിന്റെ ആരോഗ്യനില തൃപ്തികരമാണെന്ന് ആശുപത്രി പുറത്തിറക്കിയ മെഡിക്കൽ ബുള്ളറ്റിനിൽ വ്യക്തമാക്കിയിരുന്നു. ഐസൊലേഷൻ വാർഡുകളിൽ കഴിയുന്ന ആറ് രോഗികളുടെ സാമ്പിളുകൾ ആലപ്പുഴ, പൂണെ വൈറോളജി ലാബുകളിൽ പരിശോധനയ്ക്കായി അയച്ചിട്ടുണ്ട്.
രോഗിയുമായി ഇടപഴകിയ മൂന്നുപേരെക്കൂടി നിരീക്ഷണത്തിൽ ഏർപ്പെടുത്തിയിട്ടുണ്ട്. ഇതോടെ നിരീക്ഷണത്തിലായവരുടെ എണ്ണം 314 ആയി.