നിർമൽ ലോട്ടറി നറുക്കെടുപ്പ്: മീനമ്പലം സ്വദേശിക്ക് 60 ലക്ഷം

ചാത്തന്നൂർ: മീനമ്പലം സ്വദേശിയായ കൂലിപ്പണിക്കാരന് നിർമൽ ലോട്ടറി നറുക്കെടുപ്പിൽ 60 ലക്ഷം രൂപയുടെ ഒന്നാം സമ്മാനം. മീനമ്പലം ഗണപതി ഹോട്ടലിൽ നിന്നാണ് 50 കാരനായ രവികുമാർ മൂന്ന് ടിക്കറ്റുകൾ എടുത്തത്.

രവികുമാർ എടുത്ത രണ്ട് ടിക്കറ്റുകൾക്ക് സമാശ്വാസ തുകയായ 8000 രൂപ വീതം ലഭിച്ചു. എൻഎഫ് 822175 എന്ന ടിക്കറ്റിനാണ് 60 ലക്ഷം രൂപ സമ്മാനം ലഭിച്ചത്. ഗണപതി ഹോട്ടലിൽ നിന്ന് ടിക്കറ്റെടുത്ത ഒരു തമിഴ്‌നാട് സ്വദേശിക്ക് ഏതാനം മാസങ്ങൾക്ക് മുൻപ് 75 ലക്ഷം രൂപയുടെ ഒന്നാം സമ്മാനം ലഭിച്ചിരുന്നു. പാരിപ്പള്ളിയിലുള്ള ഒരു ഏജൻസിയിൽ നിന്ന് ടിക്കറ്റുകൾ എടുത്താണ് ഗണപതി ഹോട്ടലിൽ വിൽക്കുന്നത്.