കൊല്ലം: സംസ്ഥാന സര്ക്കാരിനെ രൂക്ഷമായി വിമര്ശിച്ച് ആര്എസ്പി. സിപിഎം നക്കാപ്പിച്ച വോട്ടുകൾക്ക് വേണ്ടി പ്രത്യയശാസ്ത്രം ബലികൊടുക്കുകയാണെന്ന് എന്കെ പ്രേമചന്ദ്രന് വിമര്ശിച്ചു. സമ്പന്ന പ്രീണനം നടത്തുകയും അധോലോക താല്പര്യങ്ങൾ സംരക്ഷിക്കുകയും ചെയ്യുന്ന സര്ക്കാരാണ് കേരളത്തിലേത്. വരുന്ന പാല ഉപതെരഞ്ഞെടുപ്പില് ജനങ്ങള് എല്ഡിഎഫിനോട് പകരം ചോദിക്കും - എന്കെ പ്രേമചന്ദ്രന് പറഞ്ഞു. മുഖ്യമന്ത്രി വണ്ടിച്ചെക്ക് കേസില് ഇടപെടുന്നത് നാണക്കേടാണെന്ന് ടിജെ ചന്ദ്രചൂഢന് വിമര്ശിച്ചു.
ബിഡിജെഎസ് നേതാവ് തുഷാര് വെള്ളാപ്പള്ളി വണ്ടിച്ചെക്ക് കേസില് ദുബായ്യില് അറസ്റ്റിലായിരുന്നു. തുഷാര് അറസ്റ്റിലായ വിവരം അറിഞ്ഞ് മുഖ്യമന്ത്രി പിണറായി വിജയന് ഇടപെടുകയും കേന്ദ്രസര്ക്കാരിനോട് സഹായം തേടുകയും ചെയ്തു.
മാനുഷിക പരിഗണനയും കേരളീയന് എന്ന പരിഗണനയും കരുതിയാണ് ഇടപെട്ടത് എന്നതായിരുന്നു പിണറായി വിജയന്റെ ഭാഷ്യം. ഇത് വ്യാപകമായി വിമര്ശിക്കപ്പെടുകയും ചെയ്തിരുന്നു.
പാല നിയമസഭ മണ്ഡലത്തിലെ സ്ഥാനാര്ഥിയെ സമവായത്തിലൂടെ കണ്ടെത്തുന്നതാണ് ഉചിതമെന്നും ആര്എസ്പി അഭിപ്രായപ്പെട്ടു. യുഡിഎഫിനെ പ്രശ്നം ബാധിച്ചിട്ടില്ലെന്നും കേരള കോണ്ഗ്രസ് തര്ക്കം തുടരുന്ന സീറ്റിനെക്കുറിച്ച് ആര്എസ്പി അഭിപ്രായപ്പെട്ടു.
ബിഡിജെഎസ് നേതാവ് തുഷാര് വെള്ളാപ്പള്ളി വണ്ടിച്ചെക്ക് കേസില് ദുബായ്യില് അറസ്റ്റിലായിരുന്നു. തുഷാര് അറസ്റ്റിലായ വിവരം അറിഞ്ഞ് മുഖ്യമന്ത്രി പിണറായി വിജയന് ഇടപെടുകയും കേന്ദ്രസര്ക്കാരിനോട് സഹായം തേടുകയും ചെയ്തു.
മാനുഷിക പരിഗണനയും കേരളീയന് എന്ന പരിഗണനയും കരുതിയാണ് ഇടപെട്ടത് എന്നതായിരുന്നു പിണറായി വിജയന്റെ ഭാഷ്യം. ഇത് വ്യാപകമായി വിമര്ശിക്കപ്പെടുകയും ചെയ്തിരുന്നു.
പാല നിയമസഭ മണ്ഡലത്തിലെ സ്ഥാനാര്ഥിയെ സമവായത്തിലൂടെ കണ്ടെത്തുന്നതാണ് ഉചിതമെന്നും ആര്എസ്പി അഭിപ്രായപ്പെട്ടു. യുഡിഎഫിനെ പ്രശ്നം ബാധിച്ചിട്ടില്ലെന്നും കേരള കോണ്ഗ്രസ് തര്ക്കം തുടരുന്ന സീറ്റിനെക്കുറിച്ച് ആര്എസ്പി അഭിപ്രായപ്പെട്ടു.