ലിംഗഛേദം: പെണ്‍കുട്ടിക്കെതിരെ കേസെടുത്തിട്ടില്ലെന്ന് ഐജി

തിരുവനന്തപുരം: തന്നെ പീഡിപ്പിച്ച സ്വാമിയുടെ ലിംഗം ഛേദിച്ചതിന് പെണ്‍കുട്ടിക്കെതിരെ കേസെടുത്തുവെന്നത് അടിസ്ഥാനരഹിതമെന്ന് ഐ.ജി മനോജ് എബ്രഹാം. പെണ്‍കുട്ടിക്കെതിരെ കേസെടുത്തതായി വാര്‍ത്തകളുണ്ടായിരുന്നു. മാരകായുധം ഉപയോഗിച്ച്‌ മുറിവേല്‍പ്പിച്ചതിന് ഐ.പി.സി 324 പ്രകാരം കേസെടുത്തുവെന്നായിരുന്നു വാര്‍ത്ത. പ്രതിരോധിച്ചതിന്റെ പേരില്‍ കേസെടുക്കാനാകില്ലെന്നും അദ്ദേഹം പറഞ്ഞു.

അതേസമയം ജനനേന്ദ്രിയം മുറിഞ്ഞ് ചികിത്സയില്‍ കഴിയുന്ന സ്വാമിയെ അറസ്റ്റ് ചെയ്തു. ബലാത്സംഗക്കേസിലാണ് അറസ്റ്റ് ചെയ്തത്. ചികിത്സ പൂര്‍ത്തിയാകുന്ന മുറയ്ക്ക് സ്വാമിയെ കോടതിയില്‍ ഹാജരാക്കും. പെണ്‍കുട്ടി ചെയ്തത് ഉദാത്തമായ പ്രവൃത്തിയാണെന്നും പെണ്‍കുട്ടിയെ സര്‍ക്കാര്‍ പിന്തുണയ്ക്കുമെന്നും നേരത്തേ മുഖ്യമന്ത്രി പറഞ്ഞിരുന്നു.


Kerala Student Cuts Off 'Rapist' Godman's Penis

IG Manoj abraham says no case against girl who chopped off godmans penis