ഈ വിഷവാതകം വീടുകളിലും ഗ്യാസ് അടുപ്പുകളിലും
കാര്ബണ് മോണോക്സൈഡ് (സിഒ), നിറമില്ലാത്തതും ഗന്ധമില്ലാത്തതും രുചിയില്ലാത്തതും വായുവിനെ അപേക്ഷിച്ച് വളരെ ഭാരം കുറഞ്ഞതുമായ ഒരു വിഷവാതകമാണ്. ഒരു കാര്ബണ് ആറ്റവും ഒരു ഓക്സിജന് ആറ്റവും സഹസംയോജകബന്ധനത്തില് ഏര്പ്പെട്ടുണ്ടാകുന്ന സംയുക്തമാണ് കാര്ബണ് മോണോക്സൈഡ്. കാര്ബണ് അടങ്ങിയിരിക്കുന്ന വസ്തുക്കളുടെ ഭാഗികമായ ഓക്സീകരണം നടക്കുന്ന സമയത്ത് കാര്ബണ് ഡയോക്സൈഡ് ഉണ്ടാക്കാന് ആവശ്യമായ ഓക്സിജന് ഇല്ലെങ്കിലാണ് കാര്ബണ് മോണോക്സൈഡ് ഉണ്ടാവുന്നത്. ഭൗമാന്തരീക്ഷത്തില് വളരെ ചെറിയ അളവിലാണ് കാര്ബണ് മോണോക്സൈഡ് കാണപ്പെടുന്നത്. വീടുകളില് 0.5 പിപിഎം മുതല് 5 പിപിഎം വരെയും ഗ്യാസ് അടുപ്പുകള്ക്ക് സമീപം 5 മുതല് 30 പിപിഎം വരെ അളവിലും ഈ വിഷവാതകം കാണപ്പെടുന്നു. കാര്ബണ് മോണോക്സൈഡ് രക്തത്തിലെ ഹീമോഗ്ലോബിനുമായി ചേരുമ്പോള് കാര്ബോക്സിഹീമോഗ്ലോബിന് (സിഒഎച്ച്ബി) എന്ന പദാര്ഥം ഉണ്ടാകുകയും ഇത് ഓക്സിജന് ശ്വാസകോശത്തില്നിന്നും പേശികളിലെത്തിക്കുന്നത് തടയുന്നു.
നിറമോ മണമോ രുചിയോ ഇല്ല; എന്നാല് അപകടകാരിയാണ്
നിറമോ ഗന്ധമോ രുചിയോ ഇല്ലാത്ത വിഷവാതകമാണ് കാര്ബണ് മോണോക്സൈഡ്. അന്തരീക്ഷത്തില് കലര്ന്നിട്ടുണ്ടെങ്കില് ഒരു കാരണവശാലും മനസ്സിലാകില്ലെന്നതാണ് ഈ വിഷവാതകത്തിന്റെ ഏറ്റവും വലിയ പ്രത്യേകത. മാത്രമല്ല, ഇതിനെ കൂടുതല് കൊലയാളിയാക്കുന്നതും ഈ പ്രത്യേകത തന്നെ.
കൃത്യസമയത്ത് ചികിത്സ ലഭിച്ചില്ലെങ്കില് മരണമുറപ്പ്
കാര്ബണ് മോണോക്സൈഡ് ശ്വസിച്ചാല് കൃത്യസമയത്ത് ചികിത്സ ലഭിച്ചില്ലെങ്കില് മരണം ഉറപ്പാണ്. ഒരാള്ക്ക് ഭക്ഷ്യവിഷബാധയേല്ക്കുന്നതു പോലെ തന്നെയാണ് ഈ വിഷവാതകം ശ്വസിക്കുന്നതും. അതേ ലക്ഷണങ്ങള് തന്നെയാകും കാര്ബണ് മോണോക്സൈഡ് ശ്വസിക്കുമ്പോഴും പ്രകടമാകുക. എന്നാല്, കുറഞ്ഞ അളഴിലാണ് ശരീരത്തിലേക്ക് കാര്ബണ് മോണോക്സൈഡ് എത്തുന്നതെങ്കില് ലക്ഷണങ്ങള് പ്രകടമാകാന് സമയമെടുക്കുകയും കൂടിയ തോതില് ശരീരത്തിലേക്ക് കാര്ബണ് മോണോക്സൈഡ് എത്തിയാല് ബോധക്ഷയവും വരെ ഉണ്ടാകാനിടയുണ്ട്. അതിനാല്, കൃത്യസമയത്ത് ചികിത്സ ലഭിച്ചില്ലെങ്കില് മരണം ഉറപ്പാണ്.
വിഷവാതകം ശ്വസിച്ചാല് ഉണ്ടാകുന്ന ശാരീരിക ബുദ്ധിമുട്ടുകള്
തലകറക്കം, ഛര്ദി, തലവേദന, ശ്വാസതടസ്സം, നെഞ്ചുവേദന എന്നിവയാണ് കാര്ബണ് മോണോക്സൈഡ് ശ്വസിച്ചാലുണ്ടാകുന്ന പ്രധാന ശാരീരിക ബുദ്ധിമുട്ടുകള്. ഇതിനു പിന്നാലെ അബോധാവസ്ഥയിലേക്ക് ആകുകയും ചെയ്യും. തുടര്ന്ന്, നാഡീവ്യൂഹത്തെ ബാധിക്കുകയും തലച്ചോറിലേക്കുള്ള ഓക്സിജന് വിതരണം നിലനില്ക്കുകയും ചെയ്യുന്നതാണ് മരണത്തിലേക്ക് നയിക്കുന്നത്.
റൂം ഹീറ്ററുകള് ഉപയോഗിക്കുമ്പോള് ശ്രദ്ധിക്കേണ്ട കാര്യങ്ങള്
താമസിക്കാനായി റൂമുകള് തെരഞ്ഞെടുക്കുമ്പോള് ചെറിയ മുറിയില് റൂം ഹീറ്ററുകള് ഉപയോഗിക്കാതിരിക്കുക. ഇനി ചെറിയ മുറി എടുത്താല് അധികനേരം തുടര്ച്ചയായി ഉപയോഗിക്കരുത്. ഗുണനിലവാരമുള്ളതും ഓട്ടോമാറ്റിക് കട്ട് ഓഫ് ആകുന്നതുമായ റൂം ഹീറ്ററുകള് ഉപയോഗിക്കുക. അതായത്, ഓക്സിജന് കുറഞ്ഞാല് സ്വാഭാവികമായും ഹീറ്റര് ഓഫാകും.