എംഎൽഎക്കെതിരെ പരാതി കിട്ടിയിട്ടില്ലെന്ന് വനിതാ കമ്മീഷൻ

തിരുവനന്തപുരം: ഷൊർണൂർ എംഎൽഎ പി.കെ.ശശിക്കെതിരെ നൽകിയ പരാതിയിൽ സ്വമേധയാ കേസെടുക്കേണ്ട അവസ്ഥയില്ലെന്ന് വനിതാ കമ്മീഷൻ അധ്യക്ഷ എം.സി.ജോസഫൈൻ. ഇത് വരെ എംഎൽഎക്കെതിരെ ആരും അപ്രതി നൽകിയിട്ടില്ല. പാർട്ടിക്ക് ലഭിച്ച പരാതി പൊലീസിന് കൈമാറണോയെന്ന് പാർട്ടി തീരുമാനിക്കും. പരാതി ലഭിച്ചാൽ വനിത കമ്മീഷൻ അന്വേഷിക്കുമെന്നും ജോസഫൈൻ വ്യക്തമാക്കി.

പരാതി ലഭിക്കുന്നത് അനുസരിച്ച് ചർച്ച നടത്താനും നടപടി സ്വീകരിക്കാനും പാർട്ടിക്ക് പ്രത്യേക രീതിയുണ്ട്. പാർട്ടിയും വനിതാ കമ്മീഷനും രണ്ടാണ്. പാർട്ടി നടപടികൾ പാർട്ടി സംവിധാനം തീരുമാനിക്കുമെന്നും ജോസഫൈൻ വ്യക്തമാക്കി. പീഡനത്തിന് ഇരയായ യുവതി ഇത് വരെ പോലീസിൽ പരാതി നൽകിയിട്ടില്ല. അവർ പൊതു ഇടങ്ങളിൽ പരാതി ഉന്നയിച്ചാൽ മാത്രമേ വനിതാ കമ്മീഷന് ഇടപെടാൻ സാധിക്കൂ എന്ന് ജോസഫൈൻ ചൂണ്ടിക്കാട്ടി.