ഭീതിയൊഴിയുന്നു; നിപ വൈറസ് ബാധ പുതിയ സ്ഥിരീകരണമില്ല

കോഴിക്കോട്: കോഴിക്കോട് നഗരത്തെ കൈയ്യടക്കിയിരുന്ന നിപ ഭീതിയൊഴിടുന്നു. ജില്ലയിൽ ഇന്ന് പുതിയ നിപ വൈറസ് ബാധ സ്ഥിരീകരിച്ചിട്ടില്ല. ഇന്ന് ലഭിച്ച സാമ്പിൾ പരിശോധനുയുടെ 22 റിസൾട്ടും നെഗറ്റീവാണ്.

ഇതു വരെ ലഭിച്ച ആകെ 205 റിസൾട്ടുകളിൽ 18 കേസുകളാണ് പോസിറ്റീവായി ലഭിച്ചിരിക്കുന്നത്. ഇതിൽ 16 പേർ ഇതിനോടകം മരിച്ചു. രണ്ടു പേരുടെ ചികിത്സ പുരോഗമിക്കുകയാണ്. ഇന്ന് 9 പേരെയാണ് കോഴിക്കോട് മെഡിക്കൽ കോളേജ് ആശുപത്രിയിൽ പ്രവേശിപ്പിച്ചിട്ടുള്ളത്. ഇവർ ഉൾപ്പടെ 22 പേരാണ് പ്രത്യേക നിരീക്ഷണത്തിലുള്ളത്.