പൂഞ്ഞാറിൽ നിന്ന് ഇനി മത്സരിക്കില്ല; ഭാവി പദ്ധതി തുറന്നു പറഞ്ഞ് പിസി ജോർജ്

കൊച്ചി: വരുന്ന നിയമസഭാ തെരഞ്ഞെടുപ്പിൽ പൂഞ്ഞാര്‍ മണ്ഡലത്തിൽ നിന്ന് മത്സരിക്കില്ലെന്ന് വ്യക്തമാക്കി പി സി ജോര്‍ജ്. ഏഴു തവണ താൻ പൂഞ്ഞാറ്റിൽ നിന്ന് എംഎൽഎ ആയതാണെന്നും ഇനി മത്സരിക്കണമെന്ന് ആഗ്രഹമില്ലെന്നും പി സി ജോര്‍ജ് പറഞ്ഞു. ഒരു മലയാളം വാര്‍ത്താ ചാനലിൻ്റെ മോണിങ് ഷോയിലായിരുന്നു പിസി ജോര്‍ജിൻ്റെ പരാമര്‍ശം.

Also Read: പ്രണബ് മുഖർജിയ്ക്ക് വിട; പൂര്‍ണ ബഹുമതികളോടെ ഭൗതികശരീരം സംസ്കരിച്ചു

ഇനി മത്സരിച്ചാൽ തന്നെയും വേറെ ഏതെങ്കിലും മണ്ഡലത്തിൽ നിന്നേ ആകൂവെന്നും പി സി ജോര്‍ജ് വ്യക്തമാക്കി. റിപ്പോര്‍ട്ടര്‍ ചാനലിനോടായിരുന്നു പി സി ജോര്‍ജിൻ്റെ പ്രതികരണം.

Also Read: വെഞ്ഞാറമൂട് ഇരട്ടക്കൊല: അടൂർ പ്രകാശിനെതിരെ ഗുരുതര ആരോപണവുമായി ഇ പി ജയരാജൻ

അതേസമയം, കേരള കോൺഗ്രസ് അപമാനമായിത്തോന്നുന്നുവെന്ന് പി സി ജോര്‍ജ് പറഞ്ഞു. കേരള കോൺഗ്രസ് എമ്മിന് കേന്ദ്ര തെരഞ്ഞെടുപ്പ് കമ്മീഷൻ രണ്ടില ചിഹ്നം അനുവദിച്ച സാഹചര്യത്തിലായിരുന്നു പിസി ജോര്‍ജിൻ്റെ പ്രതികരണം. കേരള കോൺഗ്രസ് എമ്മിൻ്റെ പേരും രണ്ടില ചിഹ്നവും തനിക്ക് ലഭിക്കുമെന്ന പൂര്‍ണ ആത്മവിശ്വാസം പി ജെ ജോസഫിന് ഉണ്ടായിരുന്നുവെന്നും തനിക്ക് ഡൽഹിയിൽ ആളുണ്ട് എന്നായിരുന്നു ജോസഫിൻ്റെ വാദമെന്നും പി സി ജോര്‍ജ് ചൂണ്ടിക്കാട്ടി. ഏറെക്കാലമായി നീണ്ടു നിൽക്കുന്ന നിയമപോരാട്ടത്തിനൊടുവിൽ കേന്ദ്ര തെരഞ്ഞെടുപ്പ് കമ്മീഷൻ ജോസ് കെ മാണിയ്ക്ക് രണ്ടില ചിഹ്നം അനുവദിക്കുകയായിരുന്നു. ഇതിനു പിന്നാലെ ജോസ് കെ മാണി വിഭാഗത്തെ യുഡിഎഫിൽ നിന്ന് പുറത്താക്കിയിട്ടില്ലെന്ന വാദവുമായി പ്രതിപക്ഷ നേതാവ് രമേശ് ചെന്നിത്തല അടക്കമുള്ളവര്‍ രംഗത്തെത്തിയിട്ടുണ്ട്.