സ്‌കൂളുകളില്‍ ഉച്ചഭക്ഷണ പാചകത്തിന് ഇനി വിറക് ഉപയോഗിക്കില്ല

തിരുവനന്തപുരം: സ്‌കൂളുകളില്‍ ഉച്ചഭക്ഷണ പാചകത്തിന് വിറകിനു പകരം പാചക വാതകം ഉപയോഗിക്കണമെന്ന് വിദ്യാഭ്യാസ വകുപ്പ്. നവംബര്‍ ഒന്നുമുതല്‍ പാചകം ചെയ്യാന്‍ വിറക് ഉപയോഗിക്കരുതെന്നും പകരം പാചകവാതകം ഉപയോഗിക്കണമെന്നുമുള്ള പൊതുവിദ്യാഭ്യാസ ഡയറക്ടറുടെ ഉത്തരവ് സ്‌കൂളുകളില്‍ എത്തി.

ഇതു പ്രകാരം പാചകവാതക കണക്ഷന്‍ ഇല്ലാത്ത സ്‌കൂളുകള്‍ ഉണ്ടെങ്കില്‍ വേഗം കണക്ഷന്‍ എടുക്കണം. ഉത്തരവ് നടപ്പാക്കിയിട്ടുണ്ടോ എന്ന് പരിശോധിക്കാന്‍ എല്ലാ വിദ്യാഭ്യാസ ഉപജില്ലയിലെയും നൂണ്‍ ഫീഡിങ് ഓഫീസര്‍മാരെ ചുമതലപ്പെടുത്തി.

പ്രകൃതിയെയും മരങ്ങളെയും സംരക്ഷിക്കാനുള്ള മനോഭാവം കുട്ടികളില്‍ വളര്‍ത്തുക എന്ന ലക്ഷ്യത്തോടെയാണ് സര്‍ക്കാരിന്‍റെ ഇൗ നിര്‍ദ്ദേശം. ഗ്യാസ് വിതരണം ഇല്ലാത്ത ഒറ്റപ്പെട്ടുകിടക്കുന്ന നിരവധി ഗ്രാമങ്ങളിലെ സ്‌കൂളുകളില്‍ എങ്ങനെ ഈ ഉത്തരവ് നടപ്പാക്കുമെന്നാണ് സ്കൂള്‍ അധികൃതരുടെ ചോദ്യം.


Not to use fire wood for cooking in schools

Kerala education dept orders to use LPG instead of fire wood for cooking in schools