നോട്ടയ്ക്ക് കിട്ടിയത് ഒരു ലക്ഷത്തിലധികം വോട്ട്

തിരുവനന്തപുരം: സംസ്ഥാനത്ത് നോട്ടയ്ക്ക് വോട്ട് ചെയ്തത് ഒരു ലക്ഷത്തോളം പേര്‍. 1,03, 580 പേരാണ് 140 മണ്ഡലങ്ങളിലും കൂടി നോട്ടയ്ക്ക് വോട്ട് ചെയ്തത്. 39 മണ്ഡലങ്ങളില്‍ യുഡിഎഫ്, എല്‍ഡിഎഫ്, എന്‍ഡിഎ മുന്നണികള്‍ക്ക് ശേഷം ഏറ്റവും കൂടുതല്‍ വോട്ടുകള്‍ പിടിച്ചതും നോട്ടയാണ്. മൂന്നിടത്ത് ഭൂരിപക്ഷത്തേക്കാൾ കൂടുതൽ വോട്ട് ലഭിച്ചതും നോട്ടയ്ക്കാണ്.

കാസര്‍ഗോഡ്, ഉദുമ, പയ്യന്നൂര്‍, കല്‍പ്പറ്റ,സുല്‍ത്താന്‍ ബത്തേരി, കോഴിക്കോട്(സൗത്ത്), കോഴിക്കോട് (നോര്‍ത്ത്), ആലത്തൂര്‍, തരൂര്‍, പാലക്കാട്, കോങ്ങാട്, കൊടുങ്ങല്ലൂര്‍, ചാലക്കുടി, പുതുക്കാട്, ഇരിങ്ങാലക്കുട, നാട്ടിക, തൃശൂര്‍, ഒല്ലൂര്‍, വടക്കാഞ്ചേരി, മുവാറ്റുപുഴ, പിറവം, തൃക്കാക്കര, എറണാകുളം, തൃപ്പുണിത്തുറ, അങ്കമാലി, വൈക്കം, കടുത്തുരുത്തി, പാല, മാവേലിക്കര, ആലപ്പുഴ, കോന്നി, ആറന്മുള, കൊട്ടാരക്കര, നെയ്യാറ്റിന്‍കര, കാട്ടാക്കട, നേമം, വട്ടിയൂര്‍ക്കാവ്, കഴക്കൂട്ടം, ചിറയന്‍ക്കീഴ് എന്നീ മണ്ഡലങ്ങളില്‍ നോട്ട നാലാം സ്ഥാനത്ത് എത്തി.