കുറവിലങ്ങാട്ട് ബൈക്കപകടത്തിൽ കന്യാസ്ത്രീ മരിച്ചു

കുറവിലങ്ങാട്: ബന്ധുവിനൊപ്പം ബൈക്കിന് പിന്നിലിരുന്ന് യാത്ര ചെയ്യവേ കന്യാസ്ത്രീ ടിപ്പര്‍ ലോറിയിടിച്ച് മരിച്ചു. കാട്ടാമ്പാക്ക് കാവുംപുറത്ത് പരേതനായ ജോസഫിന്‍റെ മകളും പട്‍‍നയിൽ പ്രവര്‍ത്തിക്കുന്ന മിഷണറിയുമായ സിസ്റ്റര്‍ സാവിയോ (60) ആണ് മരിച്ചത്.

ഞായറാഴ്ച പുലര്‍ച്ചെ കുറവിലങ്ങാട് ടൗണിലാണ് സംഭവമുണ്ടായത്. രണ്ടാഴ്ച മുൻപ് നാട്ടിലെത്തിയ കന്യാസ്ത്രീ തിരികെ പോകാനിരിക്കുകയായിരുന്നു. വൈക്കം റോഡിൽ വെച്ച് അമിതവേഗത്തിലെത്തിയ ടിപ്പര്‍ ബൈക്കിന് പിന്നിലിടിക്കുകയായിരുന്നുവെന്നാണ് റിപ്പോര്‍ട്ട്.

റോഡിലേയ്ക്ക് തെറിച്ചുവീണ സിസ്റ്റര്‍ സാവിയോയുടെ തലയിലൂടെ ടിപ്പര്‍ കയറിയിറങ്ങി. ബന്ധുവായ കാട്ടാമ്പാക്ക് തൊണ്ടിയാംതടത്തിൽ സെബാസ്റ്റ്യന് (52) അപകടത്തിൽ പരിക്കേറ്റിട്ടുണ്ട്.