ഓഖി: ചികിത്സയിലായിരുന്ന ഒരാൾ കൂടി മരിച്ചു

തിരുവനന്തപുരം: ഓഖി ചുഴലിക്കാറ്റിൽപ്പെട്ട് അതീവ ഗുരുതരാവസ്ഥയില്‍ ചികിത്സയിലായിരുന്ന ഒരാൾ കൂടി മരിച്ചു. പുല്ലുവിള ഇരയമണ്‍ വെല്ലാര്‍മി ഹൗസില്‍ രതീഷ് (30) ആണ് ചൊവ്വാഴ്ച രാവിലെ 5.50നാണ് തിരുവനന്തപുരം മെഡിക്കല്‍ കോളേജില്‍ മരിച്ചത്.

അബോധാവസ്ഥയില്‍ വെള്ളിയാഴ്ചയാണ് രതീഷിനെ മെഡിക്കല്‍ കോളേജ് ആശുപത്രി അത്യാഹിത വിഭാഗത്തില്‍ എത്തിച്ചത്. ചെറിയ പരിക്കുകള്‍ മാത്രമേ ഉണ്ടായിരുന്നെങ്കിലും ശരീരത്തിനുള്ളില്‍ വെള്ളം കയറി പല അവയവങ്ങളേയും ബാധിച്ചിരുന്നു. മസിലുകള്‍ക്ക് കാര്യമായ ക്ഷതവും സംഭവിച്ചിരുന്നു.

ആശുപത്രിയില്‍ പ്രവേശിപ്പിച്ച ഉടന്‍തന്നെ രതീഷിനെ മെഡിക്കല്‍ ഐസിയുവില്‍ പ്രവേശിപ്പിക്കുകയും വെന്റിലേറ്ററിലാക്കുകയും ചെയ്തിരുന്നു. എന്നാല്‍ പിന്നീട് വൃക്കകളുടെ പ്രവര്‍ത്തനം തകരാറിലാവുകയായിരുന്നു മിനിമോളാണ് രതീഷിന്‍റെ ഭാര്യ.