മഞ്ജു വാര്യരുടെ നിലപാട് മാറ്റാതെ രൂക്ഷമായി വിമർശിച്ച് സംവിധായകൻ വി.എ ശ്രീകുമാർ മേനോൻ. മലയാള സിനിമയിലെ വനിതാ കൂട്ടായ്മക്കൊപ്പം നിൽക്കാതിരുന്നതിനെയും വനിതാ മതിലിന് നൽകിയ പിന്തുണ പിൻവലിച്ചതിനെയുമാണ് സംവിധായകൻ വിമർശിച്ചത്. സുഹൃത്തുക്കൾക്കൊപ്പം പ്രതിസന്ധി ഘട്ടങ്ങളിലാണ് കൂടെ നിൽക്കേണ്ടത്. എന്നാൽ തനിക്ക് പ്രതിസന്ധി വന്നപ്പോൾ 100% മഞ്ജു തന്നെ കൈവിട്ടെന്ന് ശ്രീകുമാർ മേനോൻ പറഞ്ഞു. മഞ്ജു വാര്യർ ആരെയാണ് ഭയക്കുന്നതെന്ന് വ്യക്തമാക്കണം. ഓടിയ സിനിമകൾക്ക് വേണ്ടി രംഗത്ത് വരുന്ന മഞ്ജു, ഒടിയനെ കുറിച്ച് ഒരു ഫേസ്ബുക് പോസ്റ്റ് പോലും ഇട്ടില്ലെന്നും ശ്രീകുമാർ മേനോൻ കുറ്റപ്പെടുത്തി. മഞ്ജു വാര്യർക്കെതിരെയുള്ള ആക്രമണങ്ങളുടെ ക്ളൈമാക്സാണ് ഇപ്പോൾ നടക്കുന്ന ആക്രമണങ്ങൾ എന്നും ശ്രീകുമാർ മേനോൻ കൂട്ടിച്ചേർത്തു. വനിതാ മതിലിന് നൽകിയ പിന്തുണ പിൻവലിക്കുന്നുവെന്ന പ്രഖ്യാപനം കേട്ടാൽ ജനങ്ങൾ ചിരിക്കില്ലേ.
തന്റെ അറിവില്ലായ്മ കൊണ്ടാണ് ആദ്യം പിന്തുണ നൽകിയതെന്ന വാദം കേട്ടാൽ ഇത്രയും കാലം അവർ എല്ലാം കാട്ടിക്കൂട്ടുകയായിരുന്നോ എന്നും ശ്രീകുമാർ മേനോൻ ചോദിച്ചു. മഞ്ജു വാര്യർ അവരുടെ വില സ്വയം തിരിച്ചറിയണം. വിമൻ ഇൻ സിനിമാ കളക്ടീവിനോടുള്ള അവരുടെ മൗനവും തന്നെ അത്ഭുതപ്പെടുത്തിയെന്ന് ശ്രീകുളുർ മേനോൻ വെളിപ്പെടുത്തി. മഞ്ജു വാര്യർ വനിതാ മതിലിന് പിന്തുണ പിൻവലിച്ചതിനെതിരെ മന്ത്രിമാരായ ജെ.മേഴ്സികുട്ടിയമ്മയും എം.എം.മണിയും രംഗത്ത് വന്നിരുന്നു.
തന്റെ അറിവില്ലായ്മ കൊണ്ടാണ് ആദ്യം പിന്തുണ നൽകിയതെന്ന വാദം കേട്ടാൽ ഇത്രയും കാലം അവർ എല്ലാം കാട്ടിക്കൂട്ടുകയായിരുന്നോ എന്നും ശ്രീകുമാർ മേനോൻ ചോദിച്ചു. മഞ്ജു വാര്യർ അവരുടെ വില സ്വയം തിരിച്ചറിയണം. വിമൻ ഇൻ സിനിമാ കളക്ടീവിനോടുള്ള അവരുടെ മൗനവും തന്നെ അത്ഭുതപ്പെടുത്തിയെന്ന് ശ്രീകുളുർ മേനോൻ വെളിപ്പെടുത്തി. മഞ്ജു വാര്യർ വനിതാ മതിലിന് പിന്തുണ പിൻവലിച്ചതിനെതിരെ മന്ത്രിമാരായ ജെ.മേഴ്സികുട്ടിയമ്മയും എം.എം.മണിയും രംഗത്ത് വന്നിരുന്നു.