തനിയെ കഴിഞ്ഞിരുന്ന വൃദ്ധയെ മൂന്ന് പേര്‍ ചേര്‍ന്ന് പീഡിപ്പിച്ചതായി പരാതി

പത്തനംതിട്ട: തനിയെ കഴിഞ്ഞിരുന്ന വൃദ്ധയെ മൂന്ന് പേര്‍ ചേര്‍ന്ന് പീഡിപ്പിച്ചതായി പരാതി. പത്തനംതിട്ട ഏനാദിമംഗലം സ്വദേശിയായ അറുപത്തിയഞ്ചുകാരിയാണ് തന്നെ പീഡിപ്പിച്ചതായി കാട്ടി പരാതി സമര്‍പ്പിച്ചിരിക്കുന്നത്. ഞായറാഴ്ച രാത്രിയില്‍ വീട്ടില്‍ അതിക്രമിച്ച് കയറി വായില്‍ തുണി തിരുകിയശേഷം മർദ്ദിക്കുകയും പീഡിപ്പിക്കുകയും ചെയ്തെന്ന് ഇവര്‍ പരാതിയിൽ പറയുന്നു. പ്രതികളാരാണെന്ന് വ്യക്തമല്ല. അവശനിലയിലായ വൃദ്ധയെ ആശുപത്രിയില്‍ പ്രവേശിപ്പിച്ചിരിക്കുകയാണിപ്പോൾ.

ഇവരുടെ ശരീരഭാഗങ്ങളില്‍ പരിക്കുണ്ടെന്ന് പ്രാഥമിക പരിശോധനയില്‍ ഡോക്ടര്‍മാര്‍ കണ്ടെത്തിയിട്ടുണ്ട്. ഇന്ന് ഇവരെ വിദഗ്ധ പരിശോധനക്ക് വിധേയയാക്കും. സമീപവാസികളാണ് ഇവരെ ആശുപത്രിയിലെത്തിച്ചത്. പരാതിയില്‍ അടൂര്‍ പോലീസ് കേസെടുത്തിട്ടുണ്ട്.

Old Lady got Raped

Old Lady Got Raped in Enadimangalam, Pathanamthitta