വയറ്റില്‍ കത്തികള്‍ തറച്ച നിലയില്‍ വൃദ്ധയുടെ മൃതദേഹം കിണറ്റില്‍

പാലക്കാട്: വയറ്റില്‍ രണ്ടു കത്തികള്‍ തറച്ച നിലയില്‍ വൃദ്ധയുടെ മൃതദേഹം കിണറ്റില്‍ കണ്ടെത്തി. നെന്മാറ വല്ലങ്ങി ബൈപാസ് റോഡ് സ്വദേശി മാരിയമ്മ(87)യെയാണ് മരിച്ച നിലയില്‍ കണ്ടെത്തിയതെന്ന് മാധ്യമങ്ങള്‍ റിപ്പോര്‍ട്ട് ചെയ്‍തു.

ദുരൂഹ സാഹചര്യത്തില്‍ . അടിവയറ്റിലും വയറിന്‍റെ ഇടതു ഭാഗത്തും കുത്തിയ നിലയിലായിരുന്നു കത്തികള്‍. മലര്‍ന്നു കിടക്കുന്ന നിലയിലായിരുന്നു മൃതദേഹം - മംഗളം റിപ്പോര്‍ട്ട് ചെയ്‍തു.

വിവാഹിതനായ മകനോടൊപ്പമായിരുന്നു ഇവരുടെ താമസം. സംഭവം നടക്കുമ്പോള്‍ മകനും കുടുംബവും ബന്ധുവീട്ടിലായിരുന്നു. കൊലപാതകമാണെന്ന് സംശയിക്കുന്നതായി വടക്കാഞ്ചേരി സിഐ സുനില്‍കുമാര്‍ പറഞ്ഞു. അന്വേഷണം തുടങ്ങിയിട്ടുണ്ട്.