'മരട് ഫ്‌ളാറ്റ് ഫ്‌ളാറ്റായി'; ഗൂഗിള്‍ ട്രെന്‍ഡിങ്ങില്‍ അഞ്ചാമത്

കൊച്ചി: 'മരട് ഫ്‌ളാറ്റ് ഫ്‌ളാറ്റായി'.... കേരളത്തില്‍ മാത്രമല്ല, ഇന്ത്യയില്‍ തന്നെ നിരവധി പേരാണ് മരടിലേക്ക് ഉറ്റുനോക്കിയിരുന്നത്. ശനിയാഴ്ച മാത്രം അരലക്ഷത്തിലേറെ പേരാണ് മരട് വിഷയം ഗൂഗിളില്‍ തിരഞ്ഞത്.

വൈകീട്ട് ഏഴുമണി ഗൂഗിള്‍ ട്രെന്‍ഡിങ്ങില്‍ മരട് ഫ്‌ളാറ്റ് അഞ്ചാമതെത്തി. ഉച്ചയ്ക്ക് ഒരു മണിയോടെ മരട് ഫ്‌ളാറ്റ് രണ്ടാം സ്ഥാനത്തെത്തിയിരുന്നു. സ്‌പോര്‍ട്‌സ് ഒന്നാമതും.

വൈകീട്ട് ഏഴു മണി ആയപ്പോഴേയ്ക്കും മരട് ഫ്‌ളാറ്റ് തിരയല്‍ പട്ടികയില്‍ ആദ്യത്തെ പത്തുവിഷയങ്ങളില്‍ അഞ്ചാമതായി ഗൂഗിളില്‍ ട്രെന്‍ഡിങ്ങില്‍ ഉണ്ടായിരുന്നു.

ശനിയാഴ്ച രാവിലെ 11.37 ന് ഹോളിഫെയ്ത്ത് എച്ച് 2 ഒയും 11.44 ന് ആല്‍ഫ സെറീനും നിയന്ത്രിത സ്‌ഫോടനത്തിലൂടെ തകര്‍ക്കുകയായിരുന്നു. ഗൂഗിളില്‍ ആളുകള്‍ തിരയുന്ന വിഷയങ്ങളെ താത്പര്യം അനുസരിച്ച് ക്രോഡീകരിക്കുകയാണ് ഗൂഗിള്‍ ട്രെന്‍ഡിങ് ചെയ്യുന്നത്. ആളുകളുടെ താത്പര്യം അനുസരിച്ച്, ട്രെന്‍ഡിങ് പട്ടികയില്‍ മുന്നിട്ടു നില്‍ക്കുകയും താഴേക്കു പോകുകയും ചെയ്യുന്നു.