ബത്തേരിയില്‍ സ്വകാര്യ ബസ് കാറുമായി കൂട്ടിയിടിച്ച് യാത്രക്കാരന് ദാരുണാന്ത്യം; നിരവധി പേര്‍ക്ക് പരിക്ക്

സുല്‍ത്താന്‍ ബത്തേരി: സ്വകാര്യബസ് കാറുമായി കൂട്ടിയിടിച്ചുണ്ടായ അപകടത്തില്‍ ബസ് യാത്രക്കാരനായ യുവാവിന് ദാരുണാന്ത്യം. സുല്‍ത്താന്‍ ബത്തേരി ദൊട്ടപ്പന്‍കുളത്ത് ഇന്ന് രാവിലെ ഒമ്പത് മണിയോടെ ആയിരുന്നു അപകടം. നെല്ലറച്ചാല്‍ സ്വദേശി വിപിന്‍ ആണ് മരിച്ചത്. അപകടത്തില്‍ നിരവധി പേര്‍ക്ക് പരിക്കേറ്റിട്ടുണ്ട്.

അപകടത്തില്‍ ഗുരുതരമായി പരിക്കേറ്റ കാര്‍ ഡ്രൈവറെ കോഴിക്കോട് മെഡിക്കല്‍ കോളജ് ആശുപത്രിയിലേക്ക് കൊണ്ടുപോയി. കല്‍പ്പറ്റയില്‍ നിന്നും ബത്തേരിയിലേക്ക് പോകുകയായിരുന്ന ഗീതിക എന്ന ബസ്സും TN22 3846 രജിസ്‌ട്രേഷനില്‍ നമ്പറിലുള്ള കാറും തമ്മിലാണ് കൂട്ടിയിടിച്ചത്. നിറയെ യാത്രക്കാരുമായി വന്ന ബസ് കാറിലിടിച്ച ശേഷം മരത്തിലിടിച്ച് മറിയുകയായിരുന്നു. സംഭവസ്ഥലത്ത് രക്ഷാപ്രവര്‍ത്തനം തുടരുകയാണ്.