എലിപ്പനി ബാധിച്ച് ഹരിപ്പാട് ഒരാൾ മരിച്ചു

ഹരിപ്പാട്: എലിപ്പനി ബാധിച്ച് സംസ്ഥാനത്ത് ഒരു മരണം. ആറാട്ടുപുഴ പള്ളിമുക്കിന് കിഴക്ക് കായിപ്പുറത്ത് ഉല്ലാസ് കുമാറാണ് എലിപ്പനി ബാധിച്ച് മരിച്ചത്. ഉല്ലാസ് കുമാറിന് 45 വയസായിരുന്നു.

വണ്ടാനം മെഡിക്കൽ കോളജിൽ ചികിത്സയിലിരിക്കെ എലിപ്പനി സ്ഥിരീകരിച്ചെങ്കിലും ജീവൻ രക്ഷിക്കാനായില്ല. കഴിഞ്ഞ വ്യാഴാഴ്‌ച പണിയും ശരീരവേദനയും അനുഭവപ്പെട്ടതിനെ തുടർന്ന് ഹരിപ്പാട് താലൂക്ക് ആശുപത്രിയിൽ പ്രവേശിപ്പിച്ചിരുന്നു.പിന്നീട് വിദഗ്‌ധ ചികിത്സക്കായി വണ്ടാനം മെഡിക്കൽ കോളജിലേക്ക് മാറ്റി. എന്നാൽ,എലിപ്പനി ബാധ നിയന്ത്രണാതീതമായിരുന്നതിനാൽ ഉല്ലാസ് കുമാറിനെ രക്ഷിക്കാൻ ഡോക്ടർമാർക്ക് കഴിഞ്ഞില്ല.