കെവിന്‍റെ മരണം: ഒരു പ്രതി കൂടി പിടിയിൽ

കോട്ടയം: എസ്എച്ച് മൗണ്ട് സ്വദേശി കെവിൻ ജോസഫിൻ്റെ മരണവുമായി ബന്ധപ്പെട്ട് ഒരു കേസിൽ ഒരു പ്രതി കൂടി അറസ്റ്റിൽ. ഭരണിക്കാവ് സ്വദേശി മനുവാണ് അറസ്റ്റിലായത്.

കെവിനെ തട്ടിക്കൊണ്ടു പോയ സംഘത്തിലെ ഒരു കാര്‍ ഓടിച്ചിരുന്നത് മനുവാണെന്നാണ് വിവരം.

കേസിലെ മുഖ്യപ്രതികളായ ഷാനുവും ചാക്കോയും ഇന്നു വൈകിട്ട് കണ്ണൂര്‍ കരിക്കോട്ടക്കരി പോലീസ് സ്റ്റേഷനിൽ കീഴടങ്ങിയിരുന്നു. ഒളിവിൽ പോകാനുള്ള എല്ലാ വഴികളും അടഞ്ഞതിനെത്തുടര്‍ന്നാണ് ഇവര്‍ കീഴടങ്ങിയതെന്നാണ് സൂചന. ഇവരെ കോട്ടയത്ത് എത്തിച്ച ശേഷം ചോദ്യം ചെയ്യും.

കെവിനെ തട്ടിക്കൊണ്ടു പോയ അക്രമിസംഘത്തിലെ മൂന്നുപേര്‍ നേരത്തെ അറസ്റ്റിലായിരുന്നു. ഇതോടെ കേസിൽ പിടിയിലായവരുടെ എണ്ണം ആറായി. മൊത്തം 14 പേരെയാണ് കേസിൽ പ്രതി ചേര്‍ത്തിട്ടുള്ളത്.